Hijery ny anatiny

Ho any amin'ny fizarana anatiny

Vavolombelon’i Jehovah

Malagasy

Manana Anarana ve Andriamanitra?

Manana Anarana ve Andriamanitra?

Valiny ara-baiboly

Manana anarana daholo ny olombelona. Tsy ara-dalàna àry ve raha manana anarana koa Andriamanitra? Mila manana anarana sy mifampiantso amin’ny anarany ny mpinamana. Tsy tokony hitovy amin’izany koa ve ny fifandraisantsika amin’Andriamanitra?

Izao no lazain’Andriamanitra, ao amin’ny Baiboly: “Izaho no Jehovah! Izany no anarako.” (Isaia 42:8) Manana anaram-boninahitra maro izy, ohatra hoe “Andriamanitra Mahery Indrindra”, “Tompo Fara Tampony”, ary “Mpamorona.” Omeny voninahitra anefa ny mpivavaka aminy ka asainy miantso azy amin’ny anarany manokana.—Genesisy 17:1; Asan’ny Apostoly 4:24; 1 Petera 4:19.

Dikan-tenin’ny Baiboly maro no ahitana ny anaran’Andriamanitra, ao amin’ny Eksodosy 6:3. Izao no voalaza ao: “Niseho tamin’i Abrahama sy Isaka ary Jakoba aho, tamin’ny maha Andriamanitra Mahery Indrindra ahy. Fa ilay anarako hoe Jehovah kosa, mbola tsy tena nampahafantariko azy.

Jehovah no andikana ny anaran’Andriamanitra amin’ny teny malagasy, ary efa hatramin’ny ela izany no nampiasaina. Maro ny manam-pahaizana tia an’ilay hoe “Iaveh” nefa Jehovah no tena be mpahafantatra sy be mpampiasa. Tsy tamin’ny teny malagasy no nanoratana ny tapany voalohany amin’ny Baiboly fa tamin’ny teny hebreo, ary vakina avy any ankavanana miankavia ny soratra amin’ny teny hebreo. Ireto renisoratra efatra ireto ny anaran’Andriamanitra amin’io fiteny io: יהוה. Adika hoe YHWH ireo ary fantatra amin’ny hoe Litera Efatra.

Fanampim-panazavana

VAOVAO TSARA NATAO HO ANAO!

Manana Anarana ve Andriamanitra?

Antsoina hoe Mahery Indrindra, Mpamorona, ary Tompo Andriamanitra. Hita im-7 000 eo ho eo ao amin’ny Baiboly anefa ny tena anarany.

NY TILIKAMBO FIAMBENANA

Tokony Hisy hoe Jehovah ve ao Amin’ny Testamenta Vaovao?

Misy ny anaran’Andriamanitra ve ao amin’ny Baiboly sora-tanana tany am-boalohany?

NY TILIKAMBO FIAMBENANA

Inona no Dikan’ny hoe Mahalala ny Anaran’Andriamanitra?

Fantaro hoe iza ny anaran’Andriamanitra ary inona no dikan’ny anarany. Hanampy anao hahafantatra ny toetrany izany.