Jachin ama ayúkaw wënake

¿Jáchise púxbaw bicha wemta bitcha?

¿Jáchise púxbaw bicha wemta bitcha?

¿Ake a suale ke ju ánia...

  • ... jiba bénatuna?

  • ... chëwasu ka türina?

  • ... che türina?

 BÍBLIAM NOKÄWI

“Lios [...] bem pusim sïme opuam tütena, éntok ju kokʼkowame beja káytanake, éntok buanwame junʼne. Éntok kökosi ëwame junʼne éntok wantíriam junʼne, buéytuk ju jita bat ayúkaiwi beja lütek.” (Revelación [Apocalipsis] 21:3, 4, Traducción del Nuevo Mundo.)

JITA EM JÍPUNAKËWI A JÜNEAKO

Ítom tékil ka bétʼtena éntok tüysi ítom ëtuana (Isaías 65:21-23).

Béjate ka jiökot ëna éntokte ka kökorina (Isaías 25:8; 33:24).

Ítom wawajimʼmak éntok ítom amigomʼmakte jiba bechïbo alʼleaka jiápsana (Salmo 37:11, 29).

 ¿RAZOONIM AAYU BÍBLIATA NOKAW SUAL BECHÏBO?

Jewi, juebena razoonim aayu te woyimte émow nokná:

  • Lios utʼtiarata jípure ika promésata nok chupa bechïbo. Bíbliapo, Jehová Lióstam jiba Sïmem bepʼpa utʼtiakame bénasim a tetʼtia, buéytuk a utʼtiara jatwey june ka lulüte (Revelación 15:3). Júnel si äpo a nokʼlátuko ika ániata che tülisi a yänakew bétana, árate at eyʼya ke äpo tua ara a nok chúpana. Bíbliata jiaw bénasi Lios sïme jita ara yawʼwa (Mateo 19:26).

  • Lios ika promésata a chup báreka eyʼya. Kokʼkolam bétana, ju Biblia júnel jiawa ke Jehová am jiäbitetua báreka eyʼya (Job 14:14, 15).

    Ket a nooka ke Jesús, ju Liosta uʼusi, kökoreme jitʼtok. Te ¿Jatchiaka a yawʼwak? Buéytuk äpo júnel a ériay (Marcos 1:40, 41). A yäkawi a Atchayta eamta bitʼtebo jume jita ámew bëyeme am aniaka (Juan 14:9).

    Iamakte ara eyʼya ke Jehová éntok Jesús musälamachi púxbaw bicha wemta ítom jípuiʼa (Salmo 72:12-14; 145:16; 2 Pedro 3:9).

 EMORE TEMAJE

¿Jáchisu Lios ika ániata che tülisi a yäna?

Juka yómiata Bíbliata mákame jumu MATEO 6:9, 10 éntok DANIEL 2:44 pe a tewna.