Jachin ama ayúkaw wënake

Índicew wëna

 LECCIÓN 14

¿Jatchia Lios en énriapo wepu pueblota yew puwʼwak?

¿Jatchia Lios en énriapo wepu pueblota yew puwʼwak?

1. ¿Jatchiá Lios israelítam yew puwʼwak a pueblótunakew bechïbo?

Lios jume Abrahántat yew sákalamechi wepu nacionta yawʼwak éntok nésawrim am makʼkak. Ika nacionta Israelsi a téwatuak. Bempo jiba Liosta tua adorararuay éntok a nokita am mámakay (Salmo 147:19, 20). Ia bechïbo, géntem aman batnätaka sïme Buiäpo joakawi áram jita türita ama yew nüyey. Hechos 3:25te nooka.

Lios israelítam yew puwʼwak a bétana wate géntemʼmew noknákew bechïbo. Batnätaka i nacióntaw sikame a yew bitʼtua ke si jume Liosta nésawrim nokjikʼkajako tülisi ítow wënake (Deuteronomio 4:6). Wanay ime israelítam pámani wateka Lióstam täyanakey. Isaías 43:10, 12te nooka.

2. ¿Jatchiaka Lios a siérvom naw aniʼa?

Lios ka a tutürek a pueblo Israelta yäkawi, wa bechïbo beja ka a bendicionta jípurey. Jehová beja ka a pueblo bénasi am waatiay, junen bechïbo congregación cristianata ama yétchak (Mateo 21:43; Lucas 13:34, 35). Wanay júnel en énriapo, jume tua cristíanom Jehovátam tekipanoaria a testígom bénasi, ka jume israelítam. Hechos 15:14, 17te nooka.

Jesús a wojäseme tülisi am téxwak jachin am predicaruanakëwi éntok discípulom sïmat Buiat yänakew bechïbo (Mateo 10:7, 11; 24:14; 28:19, 20). Énriapo último täwarimpo i ániata chúpisëw bicha wëyo, che predicaruawa. Imi tiempo may béxresi machipo, Jehová juebena millonim géntem sïmat joakame naw tojʼja religión lutüriaw am rúktinakew bechïbo (Revelación [Apocalipsis] 7:9, 10). Buéytuk i pueblo naw äne, jume tua cristíanom áram emo aniá éntok naw tülisi emo ëtua. Éntoket, sïmat bem reunionimpo mísmotam maxtiawa. Hebreos 10:24, 25te nooka.

 3. ¿Jáchisum yew sajʼjak jume Jehovata testígom en énriapo aneme?

Abe 1870yo wepu ili grupo Bíbliam bétana emo maxtiame lutüriam ka täyawame ama wëmem tewtáytek. Juneamey ke Jesús congregación cristianata tüysi am texwalátukay jáchisum predicacióntam nätenakey, wa bechïbo sïme Buiächim predicaruataytek Liosta Yawra bétana maxtiá bechïbo. Ime cristíanom 1931po Jehovata testígom emo téwätebok. Hechos 1:8; 2:1, 4, 11 éntok 5:42te nooka.

4. ¿Jáchisum a weria jume Jehovata testígom juka predicación tékilta?

Bat síglopo, jume congregacionim sïmat Buiat ayúkame am aniak ke wepu grupo anciánom Liosta beja binwa tekipanoarialame jípurey, ime am tetʼtexway jita bem yänakewi. I ili grupo Jesucrístotam congregación Koba yöwesim a bíbichay (Hechos 16:4, 5). Júnel bénasi, jume Jehovata testígom en énriapo wepu ili Grupo a Wériame jípure. Imi grupopo oowim yun tiémpota Liosta tekipanoarialame äne. Bempo jiáwnake jita tékil ama yänakewi jumu Jehovata testígom oficinampo sïmat Buiat ayúkame. Jumu oficinampo líbrom éntok revístam Bíbliapo yew jimʼmarim che busan ciento nokímpom jijióxtewa, am jojuá éntok akim am bibitʼtua. Ju Grupo a Wériame Bíbliata usaruaka jume che cien mil congregacionim bepʼpa jikat am eʼetua éntokim am maxtiá. Jumu congregacionimpo anciánom jume Liosta siérvom nákekam suayame aika. 1 Pedro 5:2, 3te nooka.

Jume Jehovata testígom akim am téxwala jachin jume tu nokim Bíbliapo wëme noknake éntok jachin discípulom yänake. Ket apóstolim bénasi, joawamʼmechim predicacarua (Hechos 20:20). Kéchim wame lutüriata nákeme Liosta bétana am maxtiabäre. Te kátim wepu grupo jibʼba naw emo totójame predicarua bechïbo; bempo wepu familia benʼna: jumu sáylam éntok waayim naw emo nákeme aayuk éntok Jehová may am nákeka am suaya wepu Átchayria bénasi (2 Tesalonicenses 1:3). Ju Liosta pueblo utʼtiatam joowa Liosta alʼletua báreka éntok watem aniá bechïbo, wa bechïbo bempo familia che sïme Buiäpo alʼlea násuk äne. Salmo 33:12 éntok 20:35te nooka.