Jachin ama ayúkaw wënake

Índicew wëna

 LECCIÓN 12

¿Jáchisute Lióstaw ara rukte?

¿Jáchisute Lióstaw ara rukte?

1. ¿Lios sïme jume oraciónim jikʼkaja?

Lios sïme géntem Buiäpo joakame oración pámani aw ruktiʼia (1 Juan 5:14). Te ju ka júnel jiawbäre ke sïme oraciónim jikʼkaja, o mabeta. Jume Bíbliam júnel jiawa ke ju oʼow a jubiarita ka tülisi a nüyeyo a oraciónim pueke ka am jikʼkaixbäna (1 Pedro 3:7). Wanay jume israelítam elaka ka tüwatam joayo, Lios ka am jikʼkaixbábarey. Te äpo wame pecado buerem yälame emo jiapsi kuaktiayo am jijikʼkaja. Isaías 1:15 éntok Hechos 3:19te nooka.

2. ¿Jáchisute oraruapo yumala?

Ítom Jehovata adoracionpo ju oración may béxresi machi, júnel bechïbo äporit jíbate oraruana (Lucas 4:8; 11:2). Buéytukte jijʼjiobe, Jesusta téwampote oraruana. Äpo ítom jiobʼrim bechïbo muukuk (Juan 14:6). Jesús ka wepu oracionta jiba ítom áraw iʼa éntok ka elakiba am noksawʼwek, sino ke ítom jiapsi bétana yew wëna jita ítom aw jiawbárewi. Mateo 6:7 éntok Filipenses 4:6, 7te nooka.

Jehová ket wame oraciónim ítom suwapo joame jikʼkaja (1 Samuel 1:12, 13). Wanay ítom elakiba ítom aw oraruaiʼa, täwarita näteyo éntok a chúpeyo, jïbua báreteko o jita problémam jípurëteko. Salmo 55:22 éntok Marcos 8:6te nooka.

3. ¿Jáchisum ítom aniá jume reuniónim Bíbliam bétana emo maxtiawapo?

Yun géntem Lióstat ka feeta jípurememakte jiapsa éntok a promesa Buiäpo yanti anwamta äbo nüpanakew bétana akim a junʼneneria. I ítow a obiächituana Lióstaw rukti bechïbo (1 Timoteo 3:1, 4; 2 Pedro 3:3, 13). Wa bechïbo wate cristíanomʼmakte naw anʼná jikat ítom ëtua bechïbo. Bempörimʼmew ket ámew bëye ke ítapote jikat am ëtuanake. Hebreos 10:24, 25te nooka.

 Wame géntem Liosta nákemak ito chachchäteko che aw jëlate ito ériana. Jume Jehovata testígom reunionimpo watem feetat suako tüysi ara ítow wetche. Romanos 1:11, 12te nooka.

4. ¿Jáchise Lióstaw ara rukte?

Empo Lióstaw ara rukte Bíbliapo jita a bétana emo maxtialawta tülisi at pensaruako. A yärim, conséjom éntok a promesamʼmeche pensarua. Iat suako éntok aw oraruako enchi anianake a juuneria bechïbo ke Lios may enchi nakʼke éntoket tüysi juneamta jípure. Josué 1:8 éntok Salmo 1:1-3te nooka.

Empo ara Lióstaw jëla jiba anʼnake feeta at jípurëteko éntok at eäko. Ju fe wepu mata tenʼna a bätuana a yötunakew bechïbo. Júnel bénasi, jíbate aw wätina jakun bétanam yew sïkak ítom sualewi ítom fe che utʼtianakew bechïbo. Lucas 4:4 éntok Hebreos 11:1, 6te nooka.

5. ¿Jita tüwatate mabetna Lióstaw rúkteko?

Jehová wame a nákemet suuwa. Äpo jita june feeta éntok ju jiba bechïbo jiápsiwa esperanzata ara ítom uwʼwamta bétana ítom suaya (Salmo 91:1, 2, 7-10). Jehová ítom texwa jita ka ítom yänakewi, buéytuk ka ítom kökowet iʼa éntok ka ítom sirok iʼa. Äpo alʼleaka ítom bitbäre, júnel bechïbo ítom maxtiá jáchinte che tülisi jiápsana. Salmo 73:27, 28 éntok Santiago 4:4, 8te nooka.