Jachin ama ayúkaw wënake

Índicew wëna

 SECCIÓN 5

Jáchise tüysi en wawajimʼmak emo wériwnake

Jáchise tüysi en wawajimʼmak emo wériwnake

“Tülisi enchim jiápsipo [...] kaa émo ámpoleka émo ériaka, kaa émo chëhualihuäpo, súamsi émo nühüapo entok yánti jiápsihuäpo” (Colosenses 3:12).

Matrimóniomaki wepu bemela familia aw jojoá. Lutüriapem enchim átchayrim jiba bénase am náknake éntok am yörinake, te eni emo bechïbo jita chë béxresi machina en kuna o en jubi. Jámak wate en wawájim obiáchisi ika bitcha. Te jume principio bíblicom áram enchi aniá yanti anwamta ámemak jípunake ale bénasi matrimonio utʼtiata nünake bechïbo.

 1 TÜ YORÉMTUNAKETE ÉNTOK YÖREKATE AN BINʼNA ITOM WAWÁJIM

BÍBLIATA NOKÄWI: “Em áchay entok em áiye, Akë am yöre” (Efesios 6:2). Elápose jaiki wasúktiriam junʼne weria, jiba bénase en átchayrim yörinake. Te awe wate ke en kuna o en jubi ket tiémpota a átchayrim máknake. “Jú nakwa ka naybukëra”, wari bechïbo kate jachin eyʼya en kuna o en jubi a wawajimʼmak jachin awa wériawi (1 Corintios 13:4; Gálatas 5:26).

JITA ARA EN YANAKËWI:

  • Kate lemaxpo noka júnel jiaka: “En wawájim jíbam ínot bétana nonoka” o “En ayʼye jatwey june ka alʼleya jita in jowapo”

  • En kuna o en jubi bénasi emo inʼnea

 2 OWSE EMO NÜYE AMA A BÉYEPO

BÍBLIATA NOKÄWI: “Jú oʼow a átchay éntok a ayʼye tóixnake, wanay a jubíbew rúktinake, wanay wepu takáwatam naw yánake” (Génesis 2:24). Chúkula emo jubsuko, jámak enchim átchayrim jiba enchim aniá bánake wanay enchim matrimóniopo jibam ama kíbak bánake.

Emeʼe jíbem a jüneria enchim wawájim jakun táxtisum yumánake wanay suamsi ámewa noknake. Are lutüriata noka ka juénasi nokákari (Proverbios 15:1). Jú humildad, jú yanti jiápsiwame éntok jú ka namuxi éwame enchi aniánake en wawájimʼmak tüysi emo wériw bechïbo éntok jiba bénasi “emóem nák jiokole, yánti éaka” (Efesios 4:2).

JITA ARA EN YANAKËWI:

  • Ka tüyse a bichäteko en wawájim en jiápsiwapo emo kikʼkibachayo, náwem a etʼtexwa beja yanti emo inʼneateko

  • Nánancha éaka jáchisem emo a yä máchile