Jachin ama ayúkaw wënake

Índicew wëna

 SECCIÓN 8

Jita tüysi jiókot wëme ama yew sïko

Jita tüysi jiókot wëme ama yew sïko

“Íäri béchïbo eme ál-léiya, éläposu én kaa jáiki táapo Diosta ínel éai kaa ál-leehuatem jípunake, enchim at ëau jüneria béchïbo” (1 Pedro 1:6).

Tüysi utʼtiata yako junʼne wepu matrimonio éntok wepu famíliata alʼleamta jipu báreka, jámatweyo ka jita en böbichawi alʼleriata enchi uwʼwanake (Eclesiastés 9:11). Te Lios aniáwamta itom mámaka jita obiáchik itow wëyo. Principio bíblicom prácticapo am yéchateko, empo éntok en familia árem jita junʼne papʼperianake jita chë jinwa machítuk junʼne.

 1 JEHOVÁTACHE EYʼYA

BÍBLIATA NOKÄWI: “Sïmeta huaka enchim kóm ëahuem ä mámpo tójja, bueïtuk áapo enchim suaya” (1 Pedro 5:7). Jibe aw wate ke Lios ka problémam émow nunüpa (Santiago 1:13). Aw rúkteko, apo ka jachin éaka enchi aniánake (Isaías 41:10). “Emeʼe sïmeta enchim inʼneawi en jiápsipo áwem a noka” (Salmo 62:8).

Jita ket enchi aniáname Bíbliata chikti täpo noknake éntok a estudiáruanake. Júneli a jowáteko, ákea bítnake a lutüriakawi Jehovata “itom consoláruawi jita kökosi itow weyo” (2 Corintios 1:3, 4 TNM; Romanos 15:4). Apo enchim a makrokʼka “Dios juka yánti éehuamta [...]. Ïri chë yörisi maachi, jume yoremem täyäu béppa” (Filipenses 4:6, 7, 13).

JITA ARA EN YANAKËWI:

  • Jehovátawe aniáwamta awa yanti énake éntok kálakosi jita en yánake bechïbo

  • Ákea yawʼwa sïmeta ara en jowawi tüwata yew puá bechïbo

2 EN FAMÍLIATE SUAYA ÉNTOK EMPO

BÍBLIATA NOKÄWI: “Jú jiapsi jita täyame bétana conocimiéntota nüye, wanay jú koba suákame jita ara jikʼkaja” (Proverbios 18:15). ¿Famíliapo nátepola jítasu ámew bebʼbeye? Ákea jüneria báreka eyʼya. Ámemakem etʼtexwa éntok am jikʼkaja (Proverbios 20:5).

¿Jáchise énake jábeta en nákewi mukuko? Kate emo tiwtúa buam barëteko. Awe wate Jesús june buának (Juan 11:35; Eclesiastés 3:4). Jimyorëteko éntok tüysi kócheteko tüysi béxresi machi (Eclesiastés 4:6). Júneli chë ka obiáchina jítaw japte bechïbo.

JITA ARA EN YANAKËWI:

  • En famíliamak ara etʼtexwana ketune jita ka tüwata émow wëyo. Júneli, jita obiachi yew sïko, tüysim emo inʼnena émomak etʼtexwakari

  • Jábetamake etʼtexwa ama wam simlámtawi

 3 ANIÁWAMTA ÉMOW BÉYEMTE JARIÁ

BÍBLIATA NOKÄWI: “Wepu companyero sïme tiémpopo jábem nakʼke, wanay wepu sayla yew tómtilame jita ka tüwata wepo jumu tuá aʼane” (Proverbios 17:17). Jámak en amígom enchi aniá bare, te jámak kátim juneyʼya jachin bem a yanakëwi. Akéam texwa jita emo bechïbo am yanakëwi (Proverbios 12:25). Wanay, aniáwamta espiritualpe jariá Bíbliata täyanmaki. Bíbliamak aniáwamta enchi mákako, wanay púxbaw bicha wénake (Santiago 5:14).

Géntemak emo türeteko wame Liosta tuá feta jípureme éntok jita a noklaw böbichame, jita émow béyemta jípunake. Ketchi türi consuélotuna wame kom iame am aniá báreka eyʼya. Feta Jehovátat em jípurewi ámewa etʼtexwa éntok áporik jita itom mak barëwi. Obisi emo jípureka watem aniákari éntok kate ámew ómowte wame enchi nákeme éntok emo bechïbo tüwata wátiame (Proverbios 18:1; 1 Corintios 15:58).

JITA ARA EN YÁNAKËWI:

  • Türi amígotawe noka éntok enchi a aniátuanake

  • Lutüriate aw noka jita émow béyemta bétana