Jachin ama ayúkaw wënake

Índicew wëna

 PARTE 8

¿Jatchiaka muukuk Jesús?

¿Jatchiaka muukuk Jesús?

Jesús muukuk itom jiba jiápsinakew bechïbo (Juan 3:16)

Baix täwarim simsuko Jesusta mukílataka, jume jamuchim a märiwim noytek wanayim kayta ama tewʼwak. Jehová a jiaabitelatukay.

Jesús chúkula a apóstolimʼmew yew machiak.

Äpo ka sámari takawa bénasi juchi jiaabitek. Dios wepu takawa ka bitʼtumta a makʼkak, ángelim jípureme bénasi. A discipulowam téwekaw bicha a wëyim a bitcha. Ëni wepu espíritu tüysi utʼtiakame ka muknákeme ajaria.

 Dios Jesusta jiaabitetuak wanay a Yáwrapo kobanaro ténasi a yetchak (Daniel 7:13, 14)

Jesús a jiápsiwata makʼkak sámarim pecadom éntok kokʼkowamta bétana am jineu bechïbo (Mateo 20:28). Wanay ia paman, Dios ara jiba bechïbo jiápsiwata itom makʼka.

Jehová Jesusta yew puwʼwak téwekaw bétana Buiäta nesaw bechïbo. Te ka äpola nésauna. Aamakim 144,000 sámari nokjikʼkajame anʼná wanay ime jiaabiteko téwekapom jiápsana. Ime tua tülisim nésauna Diosta Yáwrapo (Revelación [Apocalipsis] 14:1-3).

Jú Yawra sïme Buiäta musälamachisi a yäna. Ka naw nasʼsuawame ayuna, emo iʼame, käbetaw jita bïna, tebay káytana. Jume sámarim amayim alʼlena (Salmo 145:16).