Jachin ama ayúkaw wënake

Índicew wëna

 PARTE 5

Diluviota etʼtejʼjoari: ¿jábesu Diosta nokjikʼkajak?

Diluviota etʼtejʼjoari: ¿jábesu Diosta nokjikʼkajak?

Noeta jiápsayo, juebena sámarim ka tüwata weetuay (Génesis 6:5)

Adán éntok Eva usimim jípurek, wanay láutipo Buiäpo yun sámarim aayu. Wanay, wate ángelim Satanasta bénasim emo yawʼwa wanayim Diosta kóntrapom jáptek.

Bempo téwekaw bétana kom sájaka owím bénasim emo yawʼwak bueytukim jamuchim bem jubi ténasim am núbärey. Usim tüysi emo iʼame éntok wate bepʼpa che utʼtiakame jípurek.

Sámarim emo iʼamemak tapunak ju Buiyʼya. Ju Biblia a nooka ke «ju owta ka tüwame ayúkay Buiäpo» éntoket jume sámarim ka tüwata bem yänakew jiba eyʼyay.

 Noé Diosta nokjikʼkajak wanay wepu arcata yawʼwak (Génesis 6:13, 14, 18, 19, 22)

Noé wepu tú yoremtukay. Jehová sámarim ka tüwata joame baʼayim, o diluvioy, am lütianakey a texwak.

Wepu buew kuta kajata ka róptinakew a ya sawʼwek: Noeta arca ténasim a täya. Jumu a familiawata éntok nabolim sïme ayúkame yeu puaka pärisim yäka ama am kibáchanakey.

Noé wate sámarim texwak diluvio abo wemta bétana, te katim a jikʼkajak. Watem akim a abʼbuak, wate éntok tüysim oʼomtek.

Noé arcata yäsuko, nabolim ama kibacha.