Jachin ama ayúkaw wënake

Índicew wëna

 PARTE 7

¿Jábesa Jesús?

¿Jábesa Jesús?

Jehová Jesusta buiaw bitʼtuak (1 Juan 4:9)

Che binwa ketune ke Adanta yäko, Jehová ániapo wepu ángel tüysi utʼtiakamta yawʼwak. Jehová ket ika ow béxresi machita itom jikʼkaiʼia.

Chúkula beja a yäsuko, Dios juka ángel ili usi ténasi a yoretuak. Wepu jamut beme Maríatiame aʼasuak belenpo. Jesustim a téwatuak (Juan 6:38).

Imi Buiäpo jiápsako, Jesús a tú yörewamta éntok nakta yew bitʼtua, Jehovata bénasi. Wa bechïbo, jume sámarim au jëla ambábarey. Éntoket tüysi aw ówleka lutüria Diosta bétana maxtiak.

 Jesusta juebena sámarim a kuxtirek eläposu jita tüwata a joay junʼne (1 Pedro 2:21-24)

Ket kökoreme jitʼtok éntok yun kokʼkolam jiaabitetuak.

Jume religionimpo koba yöwem Jesustam kuxtiay bueytuk nokichiam am maxtiay tiyʼyay éntoket ka tülisim am emo weriay tiyʼyay.

Últimopo, jume religionimpo koba yöwem jume romanom Jesusta bebsutebo éntok mëtebo.