Pëya di bametsu ulibar

Yaan di ujundi

Bayëla Jeuva

Manjaku

Biblë aci wé pa wi?

Biblë aci wé pa wi?

Mjaar ne aci . . .

  • ulibar bababu?

  • ulibar un kaats wi ucar?

  • Prim Nasiën batsi?

 WÉ BIBLË JAWUN

“Tu ko untibawi pëni di Nasiën batsi.” — 2 Timothée 3:16, Traduction du monde nouveau.

PËFIAR DI KO WI PURIR PËJURARU DI WÉ

Ka watsësu ume di ubira. — Proverbes 2:1-5.

Ka pibanu bi m’kabi pëya. — Psaume 119:105.

Ka tsu kë fiar ne uwar ka bi. — Romains 15:4.

 NE GË PURIR PËFIAR DI KO WI BIBLË JAWI?

Gë purir, undo gëko gëwaants:

  • Prim pëloole. Biblë a ro ko un parwi gëwanu 1.600 pa pëba pëtiba, pa bañaan 40. Bacumal tsi bukul bu melërëts. Ma, ulibar bëliëng a cij prim pëloole!

  • Ban pican biki Biblë leents ucar. Di umundu bapican balon doon bu ri ka leents ucar uci bañaan ucaak bukul pirir ukam. Ma, ban pican biki Biblë leents ucar bu pican bëliëng gëmal gi ba rogi ni gëmal gi bañaan ucaak bukul rogi. — Chroniques 36:15, 16; Psaume 51:1-4.

  • Ko wi Biblë jawi di ka gardën. Tsi ko un parwi gëwanu 700 Biblë a ro jaba ne kandata kéé buka di betlem, untabë utiës di Juda. (Mika 5:2) Yeesu buka tsum? Di untabë umënts wun! — Matthieu 2:1, 3-9.

    Gëko gëcumal buts gi Biblë jagi a bi wina kom bi uro bi jaka. Ko wi di ka tsu inja pëfiar ne Biblë aci prim Nasiën batsi? — Pierre 1:21.

 WEJATSI TSI KO WI

Um di Biblë purir bun pëjuraru di ubira?

Biblë a leents ko wi di ISAÏE 48:17, 18 ni TIMOTHÉE 3:16, 17.

TSASAN PËME

NASIËN BATSI AKA KAKURAN KAWAR PA INJA!

Ne kakuran kawar apëni di Nasiën batsi?

Wékawun ngë purir pëfiar ne Biblë aci ulibar Nasiën batsi?