Pëya di bametsu ulibar

Yaan di ujundi

Bayëla Jeuva

Manjaku

Bañaan ban cats biki purir pii natse-a?

Bañaan ban cats biki purir pii natse-a?

Mjaar ne . . .

  • bu purir

  • bu purirëts?

  • meatsa?

 WÉ BIBLË JAWUN

“Pënatsané di pëcats kéé pa ci.” — Actes 24:15, Traduction du monde nouveau.

PËFIAR DI KO WI PURIR PËJURARU DI WÉ

Kë purir pëmira uci iñaan ni m’ñgali cats. — Corinthiens 1:3, 4.

M’katsé kë lal pëcats. — Hébreux 2:15.

Kë fiar ne bañaanu ban cats biki kéé ba natse di pëcats kë kaka ci ni bukul. — Jean 5:28, 29.

 NE GË PURIR PËFIAR DI KO WI BIBLË JAWI?

Gë purir, undo gëko gëwaants:

  • Nasiën batsi leempun ubira. Biblë a ja Jeuva “kanawun ubira.” (Psaume 36:9; Actes 17:24, 25) Nan wëli gëko bëliëng ubira a purir pëkaka wël iñaan nan catsi ubira.

  • Nasiën batsi ro natsaniba balon bañaan di pëcats. Biblë a ñakanan bañaan kuwas — upats, batsafal, bayënts ni bakaats — ban natsané biki di pëcats. Balon jonats tsi ba cats tsi, ma nalon a ro gënu gëbakër di pëbëk! — Jean 11:39-44.

  • Nasiën batsi ñgal pënatsani bañaan kak. Jeuva a bër pëcats; puko ci bëñasarul. (Corinthiens 15:26) A “ñgal” pëba ni pul nu natsani bañaan. A ñgal pënatsani ban dobiki uwar nu win bukul ni ubira kak tsi umundu wi. — Job 14:14, 15.

 WEJATSI TSI KO WI

Wékawun nja kë tsaf a nja kë cats?

Biblë a leents ko wi di GENÈSE 3:17-19 ni ROMAINS 5:12.