Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 4

Yën ci wun Yeesu Kristu?

Yën ci wun Yeesu Kristu?

1. Yeesu apëni tsum?

Wékawun bañaan bëliëng do ka ñgal pëñakan ni Yeesu? — MATTHIEU 11:29; MARC 10:13-16.

Yeesu ro ci uwaanju di batsi, bi na netse bi bi umundu. (Jean 8:23) Nul ci wun nacak ni Nasiën batsi leempi, a na jurar Nasiën batsi pëleemp ngëko bëliëng. Nul ni Jeuva leempun bëriërul te iñaan maatirëts, kawun nu jaka abuk Nasiën batsi ‘naloole’. (Jean 1:14) Yeesu ci buts Nabandës Nasiën batsi, wël kawun nu jaka ‘Përim’. — Jangiri Proverbes 8:22, 23, 30; Colossiens 1:15, 16.

2. Wékawun Yeesu bi umundu?

Nasiën batsi yëli Abukul di umundu. Ajej ubiraul atsu di pëpës nampëli najudeu, ni kan jakee Maaria. Kawun Yeesu kaats asinul di umundu. (Luc 1:30-35) Yeesu bi umundu pa (1) pëleents ucar uleka Nasiën batsi, (2) pa pëpiban inja bi ngë purir bi përo ko wi Nasiën batsi ja wi, ñgal uci u nooran (3) pa pëwël ubiraul ‘pëbuëran’ bañaan. — Jangiri Matthieu 20:28.

3. Yeesu buëran inja di wé?

Uci ñaan waapa pa pëci naluëk, purirëts pëbuër uci nalon lukats nawiakul. Bi Adam juban bi, awaap inja bëliëng pa ujuban. Bi Nasiën batsi leemp bi Adam, Adam doots ka ujuban, bitse ka ro cats. Bi Nasiën batsi leemp bi bañaan di umundu, doots ñgal bañaan puu cats o puu tsaf. Ngë me ko wi, par Nasiën batsi ja Adam uci na juban nu cats. Uci Adam doots juban, bitse ka cats. (Genèse 2:16, 17; 5:5) Biblë aja pëcats aci di umundu par Adam ajuban. Adam aparan ujuban pa babukul bëliëng kawun nja kë cats. — Jangiri Romains 5:12; 6:23.

 Yën purirun pëluk, pa bañaan pëbuër di pëluëk pëcats? Uci ñaan cats aluk ngëjubanul koorul, kaats iñaan nan puriri pëbuëran bañaan bëliëng. — Jangiri Psaume 49:7-9.

4. Wékawun Yeesu cats?

Yeesu bofats ni inja, par nul di ka juban. Yeesu doots ka pëcats par na ko jubanëts. Maa acats pa ngëjuban balon. Nasiën batsi apiban ne añgal inja mak, par ayëli Abukul, pa nul pii cats pa inja. Yeesu apiban buts ne añgal inja par aro ko wi Asinul jaul wi, a na niiran pëcats pa ngëjuban inja. — Jangiri Jean 3:16; Romains 5:18, 19.

5. Wé Yeesu ci wun di përo tsari?

Bi na ro bi ci di umundu, Yeesu acuunkan bamoj, anatsani bacats, a na naakës ba noor biki. Ko wi, ka piban ko wi nii ro wi, pa bi kan do biki ko wi Nasiën batsi ja wi. (Matthieu 15:30, 31; Jean 5:28) Yeesu cats, maa Nasiën batsi natsaniul di pëcats a na ci uwaanju uwiak. (1 Pierre 3:18) Bi Yeesu natsane bi di pëcats, alëp te Jeuva wëlul Pësiën pa nul pësiën umundu bëliëng. (Hébreux 10:12, 13) Tsari Yeesu aci Nasiën di batsi, a bafetsul ci di pëleents kakuran kawar ki di umundu bëliëng. — Jangiri Daniel 7:13, 14; Matthieu 24:14.

Yeesu ci Nasiën, di ka jon kéé ba ni unoor bëliëng, ni bañaan bi kan nooran biki balon. Bañaan ban piban biki ne bu ka uwak di Yeesu, tsi ko wi bu kë ro wi, a ba ro ko wi Yeesu ja wi, bu kéé ka ubira undits wi kaba, di umundu wi kan ci wi tsëko tsëwar. — Jangiri Psaume 37:9-11.