Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 8

Wékawun Nasiën batsi wët umaal ni unoor di umundu?

Wékawun Nasiën batsi wët umaal ni unoor di umundu?

1. Um bi umaal jund bun?

Nasiën batsi wët bañaan bajën ba siën umundu pa pëpiban ne bu purirëts pëba ni purblem umundu

Umaal ajund bëyaas bëcak bi Useetaani tsup bi. Nasiën batsi doots leemp Useetaani pi uwaanju u waraatsa wi. Wël aro ci uwaanju u wara wi di batsi, maa ‘tsëkats di ubarari’. (Jean 8:44) Nasiën batsi koorul kawun pëfetsa, maa Ujabël añgal bañaan pëfets wël. Useetaani tsupar ñgaats nacak, Eva, a u tsul na rits ro ko wi Nasiën batsi ja wi, maa na ro ko wi u ja wi. Adam aro pi aarul, fetsas ko wi Nasiën batsi ja wi. Ko wi Adam ro wi, kuri wun unoor ni pëcats. — Jangiri Genèse 3:1-6, 19.

Bi Useetani ja bi Eva na ro ko wi Nasiën batsi pokul wi, ajund pëtotëlër pësiën ni Nasiën batsi. Bañaan bacumal bu fets Useetaani a ba pok Nasiën batsi pësiën bukul. Ko wi kawun Useetaani ci ‘nasiën umundu’. — Jangiri Jean 14:30; 1 Jean 5:19.

2. Ne uleemp Nasiën batsi do ka basal?

Kaats ko un ka wi basal di uleemp Nasiën batsi. Bañaan bajën ni ngëwaanju ngi Nasiën batsi leemp ngi, ro purir përo ko wi Nasiën batsi ja wi uwar. (Deutéronome 32:4, 5) Nasiën batsi leemp inja pa nja përat ko wi nja kë ro wi, përo uwar o umaal. Ko wi ka jurar inja pëpiban ne ngë ñgal ank Nasiën batsi. — Jangiri Jacques 1:13-15; 1 Jean 5:3.

3. Wékawun Nasiën batsi wama wët unoor?

Bi Useetani jund bi pëtotëlër Pësiën ni Nasiën batsi bañaan bacumal apok përo ko wi Nasiën batsi ja wi. Wékawun Nasiën batsi wama wët ko wi? Pa pëpiban bañaan ne uci ba roots ko wi na ja wi, bu ri ka ci uwar.  (Ecclésiaste 7:29; 8:9) Aparba ngëwaanu 6.000, ngi bañaan kë siën ki umundu, a u wina ne bu yëlanëts. Basiën umundu yëlanëts pëba ni ukam, manfiñgar, ko un colats wi ni pëmaak. — Jangiri Jérémie 10:23; Romains 9:17.

Pësiën Nasiën batsi bofats ni isiën bañaan bajën, par pul, ka jurar bañaan ba niiran biki pul. (Isaïe 48:17, 18) Di ka jon Jeuva ka ba ni isiën bañaan bajën bëliëng. Bañaan ban niiran biki Nasiën batsi pësiën bukul kéé ruka bukun di umundu koor bukul. — Isaïe 11:9. — Jangiri Daniel 2:44.

4. Nasiën batsi wama ka mira, wé ngë purir wun përo?

Useetaani ja, kaats iñaan nan puriri pëfets Nasiën batsi par a ñgalul. M’doom m’ñgal pëpiban ne ko wi cits ucar? M’purir! Umira Nasiën batsi ka jurar inja pëpiban ne ngë ñgal ank Nasiën batsi pësiën inja o bañaan bajën pësiën inja. Ko wi nja kë ro wi ka piban pësiën pi ngë rat pi. — Jangiri Job 1:8-12; Proverbes 27:11.

5. Um bi ngë purir bun pëniiran Nasiën batsi pësiën inja?

Ko wi nja kë ro wi ka piban ne ngë niiran Nasiën batsi pësiën inja

Ngë purir pëniiran Nasiën batsi pësiën inja uci nja kë tsas përo ko wi na ja wi di Biblë, Përim Nasiën batsi. (Jean 4:23) Ngë purir pëpok Useetaani pësiën inja uci ngë bofats di plutik ni ukam, pi Yeesu. — Jangiri Jean 17:14.

Useetaani ka uforsa a u ja u roon u fal bañaan bu ka jaar ne ngëko ngan waraatsa ngi wara. Uci ngë bër ngëko nga waraatsa ngi, ilon ifetsar inja o bayëts inja purir pëji inja o bu ka riabatsër inja. (Pierre 4:3, 4) Ngë ka përat ko wi nja kë ro wi. Nja ka yandaar ni bañaan ban ñgal biki Nasiën batsi? Nja ka fets ko wi ulua Nasiën batsi ja wi? Uci ngë ro kowan, nja ka piban ne Useetaani atsup bi u ja bi, uci iñaan ci di unoor di ka ro ko wi Nasiën batsi ja wi. — Jangiri 1 Corinthiens 6:9, 10; 15:33.

Nasiën batsi ñgal bañaan, kawun ngë purir pëfiar ne unoor ni umaal kéé ba. Ban fiar biki ne ko wi Nasiën batsi ja wi aci ucar a ba niiran nul pësiën bukul bu kéé ka ubira undits wi kaba di umundu. — Jangiri Jean 3:16.