Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 13

Wé kéé par wun ni iga umundu?

Wé kéé par wun ni iga umundu?

1. Ne iga bëliëng awara?

Di iga bëliëng, aka bañaan ban ñgal biki përo ko wi Nasiën batsi ja wi. Awara pëme ne Nasiën batsi me bukul a na tsunkar bukul. Balon bu ka ja bu ci bañaan bëga, maa bu ka ro umaal mak. (Corinthiens 4:3, 4; 11:13-15) Tsi ko un leentsa wi di umundu, bañaan iga ka bof di ukam ni ngëko ngëjuatsal, ngi bañaan kë ro ngi bacints bukul. Balon bof di ka ro upats umaal. Ko wi, ka re bañaan ban ñgal biki përo ko wi Nasiën batsi ja wi! — Jangiri Matthieu 24:3-5, 11, 12.

Bañaan ban ci biki di bëga bëcar ka bëndan Nasiën batsi, maa ban ci biki di iga kafal ka ro ko wi Nasiën batsi bër wi. Bu ka jukan ko un cits wi di Biblë, uleka Nasiën batsi o ko wi kan par wi uci iñaan cats. Maa Jeuva ñgal bañaan pëmeul uwar. — Jangiri Ézékiel 18:4; 1 Timothée 2:3-5.

2. Wé kéé par wun ni iga umundu?

Awara pëme ne bañaan ban ci biki di iga kafal bu purirëts pëfal Nasiën batsi, bu ka ja bu ñgal Nasiën batsi maa tsi ubarari, umundu Useetaani wi ba ñgal wun. (Jacques 4:4) Di Biblë iga kafal umundu bëliëng ka jaa ‘Babilon Dëwiak.’ Babilon aro ci pëlon përaasa, dul di iga kafal jund run, bi M’lik m’cum par bi, pëcël Noe. Di ka jon Nasiën batsi ka ba ni iga kafal par a roon yu fal bañaan a yu nooran bukul. — Jangiri Révélation 17:1, 2, 5, 16, 17; 18:8.

Maa Jeuva finats bañaan ban ñgal biki përo ko wi na ja wi, ba wam biki di iga kafal. Aci di pëjukan bukul ucar pa pëjurar bukul ba pëni di iga kafal. — Jangiri Mika 4:2, 5.

 3. Wé bañaan ban ñgal biki Nasiën batsi kawun përo?

Bëga bëcar aci di pëboflën bañaan bu ka ci baloole

Jeuva atsunkar bañaan ban ñgal biki ucar, ni ko un wara wi. Aja bukul ba pëni di iga kafal. Bañaan ban ñgal biki Nasiën batsi ñgal përo ko wi na ja wi pa pëlilanul. — Jangiri Révélation 18:4.

Di pëcël bapostulu Yeesu, bañaan ban ñgal biki përo ko wi Nasiën batsi ja wi bu te kakuran kawar ki bapostulu leents ki bukul a ba niiran kul. Jeuva jukan bukul ko wi ba ka wi përo di ubira, pa pëlilan, bu kéé ka ubira undits wi kaba. Ngë ka pëfets ko wi ba ro wi, par bu niiran kakuran kawar a ba tsu Jeuva di bërum ngëko bëliëng. — Jangiri 1 Thessaloniciens 1:8, 9; 2:13.

Ban pëni biki di iga kafal, Jeuva niiran bukul pëbof di famil bañaan bi kan fetsul biki. Uci m’do ko wi Jeuva ja wi, a m’pëni di bëga kafal, kë ci bëfetsarul, kë bof di famil bañaan bi kan fetsul biki, kii ka ubira undits wi kaba. — Jangiri Marc 10:29, 30; 2 Corinthiens 6:17, 18.

4. Um bi Nasiën batsi kii kuri bun uwar di umundu bëliëng?

Aci kakuran kawar, pëme ne di ka jon Nasiën batsi ka ba ni iga kafal. Bañaan ka naakësa bëliëng di umundu. Iga kafal katse ka fal bañaan o pëpatsës bukul. Ban ci biki bëliëng di utsia ni batsi ka ci baloole di pëfets Nasiën batsi. — Jangiri Révélation 18:20, 21; 21:3, 4.