1. Wé ci wun Pësiën Nasiën batsi?

Wékawun Yeesu ci Nasiën nawar? — MARC 1:40-42.

Pësiën Nasiën batsi aci pësiën pan ci pi di batsi. Kéé pënan isiën umundu bëliëng përuka koor pul, Nasiën batsi ka tsu pësiënul përo ko wi na ñgal wi di batsi ni umundu. Ko wi aci kakuran kawar. Bañaan ñgal pësiën pëwar, di ka jon Pësiën Nasiën batsi ka tsu bañaan bu ka ci di umundu un ka wi pësiën pëwar. Pësiën pi kéé tsu bañaan bëliëng di umundu bu ka teelër. — Jangiri Daniel 2:44; Matthieu 6:9, 10; 24:14.

Pësiën ka ka nasiën. Jeuva rat abukul, Yeesu Kristu na ci Nasiën Pësiënul. — Jangiri Révélation 11:15.

2. Wékawun Yeesu ci Nasiën nawar?

Abuk Nasiën batsi aci Nasiën nawar par nul awara uwaas te añgal ko un col wi. (Jean 1:14) Aka buts uforsa pëjurar bañaan, par ka ci di batsi nu siën umundu. Bi na natsane bi di pëcats a na ya batsi ee tsoar kañan karir Jeuva, a nuu lëp Jeuva nu tsul Nasiën. (Hébreux 10:12, 13) Nasiën batsi ee wëlul uforsa a na jund pësiën. — Jangiri Daniel 7:13, 14.

3. Biyën kéé siën bukun ni Yeesu?

Bañaan bi kan dua biki ‘bajënts’ kéé siën bukun ni Yeesu di batsi. (Daniel 7:27) Bajënts bacak aci bapostulu Yeesu. Te tsari Jeuva ci tsi përat bayënts ni bakaats bu ka bof di bajënts biki. Unu wi bu kë natsane wi di pëcats bu ka ci pi ngëwaanju di batsi pi Yeesu. — Jangiri Jean 14:1-3; 1 Corinthiens 15:42-44.

 Bañaan um ka ya bukun batsi? Yeesu aja bu ci “pëtan pëtiës”. (Lukas 12:32) Bu kéé ci bañaan 144.000. Bu kéé siën umundu ni Yeesu. — Jangiri Révélation 14:1.

4. Wé par wun bi Yeesu jund bi pësiën?

Pësiën Nasiën batsi jund pësiën uwaanu 1914. * Bi Yeesu jund bi pësiën ko wi na cakës wi ro, aci përuak Useetaani ni ngëcaay di batsi pa umundu. Useetaani riabats a u jund pënooran bañaan di umundu. (Révélation 12:7-10, 12) Bi Useetaani ruakéé bi te tsari bañaan pe pënoor. Ngëko ngi bëliëng, ukam, ubon, pëmaak, ni usintsar utsia, abof di ko wi kan “piban” wi ne inkri Pësiën Nasiën batsi ka siën umundu. — Jangiri Lukas 21:7, 10, 11, 31.

5. Wé Pësiën Nasiën batsi ci wun di përo?

Pësiën Nasiën batsi ci ba di pëbofëlën bañaan ngëcaak bëliëng bu ka teelër, par përim Nasiën batsi ci di pëleentsa di umundu bëliëng. Bañaan bacumal bu ci tsi pëniiran Yeesu pëci Nasiën bukul. Pësiën Nasiën batsi kéé buëran bukul unu wi pu ba wi ni umundu wi. Bañaan ban ñgal biki pëci di umundu, unu wi Pësiën Nasiën batsi kë siën wi, bu ka pëjuk pëcikëndën Yeesu. — Jangiri Révélation 7:9, 14, 16, 17.

Pësiën Nasiën batsi ka ro ngëwaanu 1.000 pa pëba përo ko wi Nasiën batsi ro wi ñgal pa umundu. Umundu bëliëng kéé ci tsëko tsëwar. A kë ba Yeesu ka kakan Asinul Pësiën. (Corinthiens 15:24-26) Yën ni m’ñgalun pëleents ko wi Pësiën Nasiën batsi kii ro wi? — Jangiri Psaume 37:10, 11, 29.

 

^ par. 6 Pa pëme ko wi Biblë ro wi ja ba uleka uwaanu 1914, teenan page 215-218 di ulibar Qu’enseigne réellement la Bible ?