Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 9

Um bi familu purir bun pëlilan?

Um bi familu purir bun pëlilan?

1. Wékawun bënim ulua wara pa famil lilan?

Kakuran kawar apëni di Jeuva, Nasiën batsi ulilan, nan ñgali pa famil lilan. (Timothée 1:11) Nasiën batsi nimanun niints ni ñgaats nacak. Bënim ulua ka tsu niints, ñgaats ni upats bu ka lilan bu ka me ne bu ñgala. Bafets Yeesu ka përispitar ko wi ulua ucaak bukul ja wi uleka bënim ulua. — Jangiri Luc 2:1, 4, 5.

Um bi Nasiën batsi kë win bun bënim? Nasiën batsi ñgalats pa niints ni ñgaats ba nimar biki pëgar. Jeuva ñgal pa niints ni ñgaats ba nimar biki pëmoblër uwar. (Hébreux 13:4) Jeuva bër kagar bënim. (Malaki 2:16) Maa aniiran iñaan pëgar bënim uci aarul o ayënul piints ni nalon. — Jangiri Matthieu 19:3-6, 9.

2. Wé niints ni ñgaats ka wun përo?

Jeuva leemp niints ni ñgaats pa pëtsënkëlër di bënim. (Genèse 2:18) Niints ci wun nawiak famil, kawun pëcakës pëtsas bariala ni iñgi bëtiëm pa famil, nu jukan buts bukul uleka Nasiën batsi. Niints ka përo ko wi na purir wi pa pëpiban aarul ne a ñgalul. Niints ni ñgaats ka pëñgalar, nan cii nu rispitar acints. Bañaan bëliëng ka juban, kawun bëpërar wara mak par ka jurar ba nimar biki pëlilan di famil. — Jangiri Éphésiens 4:31, 32; 5:22-25, 33; 1 Pierre 3:7.

3. Wé kë ro wun uci bënimu lilats?

Uci nda ka purblem di bënim, ind bëliëng nda ka përo uforsa pa pëpiban ne nda ñgalar. (Corinthiens 13:4, 5) Biblë jaats uci purblem ci di bënim, ban nimar biki ka patsësar pa pëba ni purblem. — Jangiri 1 Corinthiens 7:10-13.

 4. Upats, wé Nasiën batsi ñgal wun ind përo?

Jeuva ñgal ind pëlilan. Aleents ind ko wi nda ka wi përo pa pëlilan. Añgal ind pëjuk tsi ko wi basin ind ni banin ind kë ro wi, ndu fets wël. (Colossiens 3:20) Jeuva ñgal ind pëme ne uci nda ro ko wi na ñgal wi ni ko wi Abukul ñgal wi, ndu lilan. — Jangiri Ecclésiaste 11:9-12:1; Matthieu 19:13-15; 21:15, 16.

5. Niints ni ñgaats, wé nda kawun përo pa babuk ind pëlilan?

Nda ka pëtambandër tsi uleemp pa pëwël babuk ind bariala, pëkaar bukul tsi bu kë ci tsi ni iñgi bëtiëm. (Timothée 5:8) Maa pa babuk ind pëlilan, nda ka buts pëjukan bukul pëñgal Nasiën batsi bu ka tsas pëmeul. (Éphésiens 6:4) Ko wi ndu ro wi pa pëpiban ne nda ñgal Nasiën batsi, apurir pëjurar babuk ind mak. Uci ndu jukan babuk ind ko un ci wi di Përim Nasiën batsi ka jurar bukul përo uwar. — Jangiri Deutéronome 6:4-7; Proverbes 22:6.

Ndu jurar babuk ind, uci ndu piban ne nda lilan ni ko wi bu kë ro wi, a ndu bëdan bukul. Nda ka buts pëkus bukul ndu piban bukul bëga. Ko wi ka jurar bukul ba rits ro ko wi kan tsu wi bukul ba rits lilan. (Proverbes 22:15) Maa pa pëkus upats m’kaats pëjuats ibats o pëtucan bukul lupan. — Jangiri Colossiens 3:21.

Bayëla Jeuva leemp ngëlibar ngëcumal pa niints ni ñgaats ni ba babuk bukul. Ko un ci wi di ngëlibar ngi apëni di Biblë. — Jangiri Psaume 19:7, 11.