Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 15

Wékawun m’ka puu juk Biblë?

Wékawun m’ka puu juk Biblë?

1. Um bi puu juk Biblë purir bun pëjuraru?

Ko wi m’juk wi di ulibar wi uleka ko wi Biblë ja wi, a juraru a m’pe pëñgal Jeuva. Maa m’ka përo uforsa, pa uñgal wi m’ka wi pa Jeuva u pe përëmb. (Pierre 2:2) Pa pëka ubira undits wi kaba, m’ka puu juk Biblë pa pëci bëfetsar Nasiën batsi. — Jangiri Jean 17:3; Jude 21.

Uci m’watsan umeu uleka Nasiën batsi, uwaku ka pe përëmb. Uwak ka juraru kë ro ko wi Nasiën batsi ñgal wi. (Hébreux 11:1, 6) Uwak ka tsuu buts, kë wëtan karo ngëjuban, kë ro uwar. — Jangiri Actes 3:19.

2. Wé kë roon ni ko wi m’juk wi uleka Nasiën batsi?

M’purir pëci bëfetsar Jeuva

Aci ucar kë ñgal pëleents balon ko wi m’juk wi — bañaan bëliëng ka ñgal pëleents kakuran kawar. Maa uci m’ci tsi puu juk Biblë, kii me bi m’purir bi pëpiban bañaan di Biblë ko un ka wi m’fiar di Jeuva, kë leents bukul kakuran kawar. — Jangiri Romains 10:13-15.

Bacumal roon bu ka jund pëleents ifetsar bukul o bayëts bukul kakuran kawar. Doon buar, lipari pëja bukul bu fiar di ko un cits wi ucar, maa leentsan bukul ko wi Nasiën batsi kii ro wi. Lesan buts ne ucar, bañaan ka cikëndënu, maa bu ka pe pëteen ko wi kë ro wi. — Jangiri 2 Timothée 2:24, 25.

3. M’fets Nasiën batsi kë ci we pa nul?

Pëjuk Biblë ka tsu kë pe pëñgal Nasiën batsi. Din kë purir përo uwar, kë wok Nasiën batsi. Kë ci pi abukul. — Jangiri 2 Corinthiens 6:18.

 4. Um bi m’purir bun puu ya bërum?

Uci m’ci tsi pëjuk Biblë kë me bi kë fets bi ko wi Biblë ja wi. (Hébreux 5:13, 14) Jaan nalon tsi Bayëla Jeuva na jukanu Biblë ni ulibar Qu’enseigne réellement la Bible ? Uci m’juk mak uleka Nasiën batsi, kë pe pëci uwar di ubira. — Jangiri Psaume 1:1-3; 73:27, 28.

Kakuran kawar apëni di Jeuva, Nasiën batsi ulilan. Bëfetsaru ni Nasiën batsi ka pe pëlinc uci kë wok bañanul. (Hébreux 10:24, 25) Uci kë ro uforsa pa përo ko wi Jeuva ja wi, kë tsënkan ubira uwar — ubira undits wi kaba. Pëci bëfetsar Nasiën batsi aci ko un pe wi pëwara wi m’purir wi përo. — Jangiri 1 Timothée 1:11; 6:19.