Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 11

Um bi ngëlua Nasiën batsi kë jurar inja bun?

Um bi ngëlua Nasiën batsi kë jurar inja bun?

1. Wékawun bañaan bajën fiër pëpibana bëga?

Um bi ngëlua Nasiën batsi kë jurar inja bun pa përo buar ni ubira? — PSAUME 36:9.

Nasiën batsi leemp inja wun, ape inja bëlipal. Atsunkar inja bi iñaan kë tsunkar bi abukul. Nasiën batsi doots leemp inja pa përo ko, te ngë rits fets ko wi na ja wi. (Jérémie 10:23) Napats afiër pa asinul ni aninul pëpibanul bëga, unk ri ngë fiër run buts pa Nasiën batsi pëpiban inja bëga. (Isaïe 48:17, 18) Biblë ka piban inja bëga, aci bëtseend Nasiën batsi. — Jangiri 2 Timothée 3:16.

Ngëlua Jeuva ka jukan inja bi ngë purir bi pëci uwar di ubira tsari, ni bi ngë purir bi pii ka ubira undits wi kaba. Nasiën batsi leemp inja wun, kawun ngë ka pëcikëndënul. — Jangiri Psaume 19:7, 11; Révélation 4:11.

2. Um bi Përim Nasiën batsi kë jurar inja bun?

Ngëlon ngëko ngan ci ngi di Biblë ka piban inja ko wi Nasiën batsi ñgal wi nja përo tsi ngëko ngëcumal. Maa ngëlon ngëlua aci pa ko wi nga leempara wi, ka leentsu ko m’ka wi përo o ko wi m’kaats wi përo. (Deutéronome 22:8) Ngë ka pëwejats uwar pa pëme um bi ngë purir bun pëleempëna ko wi Përim Nasiën batsi ñgal wi pëja. (Proverbes 2:10-12) Biblë aleents inja ne ubira ci bëtseend Nasiën batsi. Ko wi purir pëjurar inja di uleemp, di kato o uci nja kë ya bëyaas. Uci ngë les ne ubira aci bëtseend Nasiën batsi nja ka ro buar ni ubira inja o ubira balon. — Jangiri Actes 17:28.

3. Ngoom ngëlua ngëtëb pe ngun pëci ngëwiak?

Yeesu añakanan ngëlua ngëtëb ngan pe ngi pëci ngëwiak. Ulua ucak ka piban ne bañaan leempa pa pëme Nasiën batsi, bu ka ñgalul,  bu ka ro ko wi na ja wi. Ngë ka pëles ulua wi, di ngëko ngi nja kë ro ngi bëliëng. (Proverbes 3:6) Bañaan bi kan fets biki ulua wi, bu ka ci ifetsar Nasiën batsi, bu ka lilan, bu kéé ka ubira undits wi kaba. — Jangiri Matthieu 22:36-38.

Ulua utëbantsën ka jurar inja pëci uwar ni bañaan, nja ka teelër ni bukul. (Corinthiens 13:4-7) Uci ngë fets ulua utëbantsën wi, nja ka piban ne ngë ci di pëjukala bi Nasiën batsi kë ro bi ni bañaan. — Jangiri Matthieu 7:12; 22:39, 40.

4. Um bi ngëlua Nasiën batsi kë jurar inja bun?

Ngëlua Nasiën batsi ka piban famil bi ba purir bi pëteelër bu ka ñgalar. (Colossiens 3:12-14) Përim Nasiën batsi ka jurar buts famil pëci uwar, par apiban ne bënim kaats pëgar. — Jangiri Genèse 2:24.

Uci ngë fets ko wi Biblë ja wi nja ka ci uwar. Bañaan ka fiër baleemp bi kan fets biki ko wi Biblë ja wi, ban col biki, te bu kë tambandër di uleemp. (Proverbes 10:4, 26; Hébreux 13:18) Përim Nasiën batsi ka jukan inja buts pëlilan ni ko wi ngë ka wi, nja ka pe përëmban Nasiën batsi tsi ngëko bëliëng. — Jangiri Matthieu 6:24, 25, 33; 1 Timothée 6:8-10.

Pëfets ngëlua Nasiën batsi ka jurar inja pëka pëyës. (Proverbes 14:30; 22:24, 25) Pëfets ulua Nasiën batsi, un pok wi ukuj ka buëran inja di m’maak mi kan fiñg mi, ni m’lupi. (Proverbes 23:20) Jeuva laañgats bañaan përaan puat ba lingëlan. (Psaume 104:15;Corinthiens 6:10) Ngëlua Nasiën batsi ka jurar inja par ka jukan inja përo buar ni ko wi nja kë ro wi ni ko wi nja kë wejats wi. (Psaume 119:97-100) Bafets Yeesu di ka ro ko wi Nasiën batsi ja wi unkonta bi u jurar wi bukul. Maa bu ka ro wul par bu rispitar Jeuva. — Jangiri Matthieu 5:14-16.

 

TSASAN PËME

PËJUKANA BIBLË

Yepan Pëjukana Biblë

M’purir pëjuk ko wi m’ñgal wi pëme di Biblë uler wi m’ñgal wi ni tsi m’ñgal tsi.