Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Nasiën batsi Aka Kakuran Kawar pa Inja!

 UME 6

Bañaan ban cats biki purir pii natse-a?

Bañaan ban cats biki purir pii natse-a?

1. Koom kakuran kawar ci kun pa ban cats biki?

Bi Yeesu ci bi di umundu, aro ka bëfetsarul ni kan jakee Lazaru. Lazaru bi cats. Lazaru ro ciina untab wi kan jaka wi Betania di kawok Jerusalen. Bi Yeesu band bi Betania, Lazaru ro ba ngënu ngëbaakër ngi na cats ngi. A Yeesu yandaar ni Marta ni Maaria bamak Lazaru, a ba tsëp di pëbëkul. Jonats rin a bañaan cumi rul. Yeesu Natsani Lazaru di pëcats a Marta ni Maaria lilan mak. — Jangiri Jean 11:21-24, 38-44.

Marta ro me ba kakuran kawar pa ban cats biki. A ro me ne Jeuva ka natsani bañaan ban cats biki di pëcats bu ka ci di umundu kak. — Jangiri Job 14:14, 15.

2. Wé ka par wun uci iñaan cats?

Nasiën batsi ja Adam: ‘M’ci m’boos a kë witsa m’boos.’ — GENÈSE 3:19.

Nasiën batsi jej m’boos aleemp bañaan bajën. (Genèse 2:7; 3:19) Uci iñaan cats, ko ri ka pëni di uliaful u ya tsëlon. Uci iñaan cats m’fukul ni uwejatsul ka cats buts. Lazaru leentsas ko wi na par wi, bi na cats bi par bañaan ban cats biki meets ko. — Jangiri Psaume 146:4; Ecclésiaste 9:5, 6, 10.

Ne Nasiën batsi ka tër bañaan ban cats biki di bërua? Biblë apiban ne bañaan ban cats biki meets ko, pëja Nasiën batsi ka tër bañaan ban cats biki, aci pëcok katim Nasiën batsi. Pëtër bañaan di bërua aci ko wi Nasiën batsi bër wi. — Jangiri Jérémie 7:31.

 3. Ne bañaan ban cats biki purir pëñakan ni inja?

Bañaan ban cats biki purirëts pëñakan o pëte. (Psaume 115:17) Maa aka ngëcaay ngi ka ñakan ngi ni bañaan, pa pëfal bukul bu ka jaar ne aci bañaan ban cats biki. (Pierre 2:4) Jeuva ñgalats nja puu tsas pëñakan ni bañaan ban cats biki. — Jangiri Deutéronome 18:10, 11.

4. Yën kéé natse wun di pëcats?

Bañaan bacumal, ban cats biki kéé ba natsane di pëcats bu ka ci di umundu. Ñgal balon ban doots biki me Nasiën batsi a ba ro umaal kéé natsane di pëcats. — Jangiri Luc 23:43; Actes 24:15.

Bañaan ban natsane biki di pëcats bu kéé juk ucar uleka Nasiën batsi bu ka cikëndën Yeesu, pa pëpiban ne bu ka uwak di nul. (Révélation 20:11-13) Bañaan ban natsane biki di pëcats a ba ro uwar, bu ka ka ubira undits wi kaba di umundu. — Jangiri Jean 5:28, 29.

5. Pënatsane di pëcats ka jukan inja wé di Jeuva?

Nasiën batsi ñgal pënatsani bañaan ban cats biki, kawun na yëli Abukul pa nul pii cats pa inja. Pënatsane di pëcats ka piban ne Jeuva ñgal inja. Unu wi bañaan ban cats biki kë natse wi di pëcats, yën ni m’ñgal wun pëwin? — Jangiri Jean 3:16; Romains 6:23.