Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 13

Timotiu ñgal pëtsënk bañaan

Timotiu ñgal pëtsënk bañaan

Timotiu aro ci ba upaas un ñgal wi pëtsënk bañaan. Aya ngëcaak ngëcumal pa pëtsënk bañaan. Wul kawun na ci uwar di ubira. M’ñgal pëmeul uwar? —

Anin Timotiu ni atiëmul bu jukanul uleka Jeuva

Timotiu kusa di ucaak wi kan jaka wi Listra. Atiëm Timotiu Lois ni aninul Ënis bu jund pëjukanul uleka Jeuva bi na ci bi napats. Bi Timotiu wiaka bi a na ñgal pëtsënk bañaan pëme Jeuva.

Bi Timotiu wam bi upaas, Pol a yeparul ne a ñgal ank pëtsëp ngëlon ngëcaak ni nul pa pëleents përim Nasiën batsi. A Timotiu jaul: ‘Man ñgal!’ Timotiu niran pëya pëtsënk bañaan.

 Timotiu tsëp Masedonia ni Pol di pëlon praasa pi kan jaka pi Tesalonika. Pa pëband rul bu yandaar mak, a kë ba a ba gija bëtsian. Bi ba band bi, bu jurar bañaan bacumal pëme Jeuva. Maa balon bañaan riabatsër bukul a bu kë tsas përo bukul umaal. Kawun Pol ni Timotiu ka pëpën dul pa pii leents përim Nasiën batsi di ngëlon ngëcaak.

Timotiu lilan a na ka ubira uwar

Apar këli, a Pol ja Timotiu na witsa Tesalonika ni teen bi bayëts bukul tsi bëga ci bi rul. Timotiu ka pëyeents ko pa pëwitsa ucaak ujuatsal wun! Timotiu witsa par ayëkar bayëtsul tsi bëga ban ci biki rul. U boteul a na kuri Pol kakuran kawar. Bayëts bukul tsi bëga di Tesalonika bu ci uwar!

Timotiu a leemp ni Pol ngëwaanu ngëcumal. Bëlon bëyaas, a Pol pican a na ja Timotiu aci iñaan na car, ni na puriri pëyël pa pëtsënk bayëtsul tsi bëga. Timotiu a ñgal Jeuva a na ñgal bañaan.

M’ñgal bañaan a m’ñgal pëtsënk bukul bu ka me Jeuva? — Uci m’do ank, kë lilan mak kë ka ubira uwar pi Timotiu!

JANGIRI BIBLË

  • Timothée 1:5; 3:​15

  • Actes 16:​1-5; 17:​1-​10

  • Thessaloniciens 3:​2-7

  • Philippiens 2:​19-​22