Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 2

Rebeka ñgal pëlilan Jeuva

Rebeka ñgal pëlilan Jeuva

Rebeka aro ci ba ñgaats nan ñgali Jeuva. Ayënul ka jaa Isaak. Nul buts a ñgal Jeuva. Um bi Rebeka me bun Isaak? Um bi na piban bun ne a ñgal pëlilan Jeuva? Nja cakës pëme yën ci wun Isaak.

Asin Isaak ka jaa Abraam, aninul ka jaa Sara. Ucaak bukul ka jaa Kanaan, bañaan ban ci biki di Kanaan bu meets Jeuva. Maa Abraam ñgal abukul pënim ñgaats ni kan fetsi Jeuva. Kawun na yël naleempul Eliyeser, na ya ucaak wi kan jaka wi Aran, nu tsas ñgaats pa Isaak, di balon bayëtsul.

Rebeka niran pëlikar ngëngilum m’lik

Eliyeser atsëp ni balon baleemp Abraam. Tsëko lawan. Bu tsëpand ngëngilum untaaja, a ba gij ngëre ni ngëko ngëcumal pa pii tseend. Um bi Eliyeser kë me bun ñgaats nan waree pa Isaak? Bi Eliyeser band bi Aran nul ni balon baleemp, bu ya di pëlik, par Eliyeser ame ne, di ka jon, bakaats ka bi ka tsas m’lik. Eliyeser añaan Jeuva a na ja: ‘Uci ñaan nampëli na tseendin m’lik, a na tseendin a na tseend buts ngëngilum m’lik, ka me ne, nul ni m’ratun.’

 Jonats rin, a Rebeka bi pëlik. Biblë aja Rebeka buër kawara. Eliyeser ñaanul m’lik përaan a Rebeka ja: ‘Man likaru m’lik ka likar buts ngëngilum.’ Cits ko un daf wi! Rebeka ka pëwitsa pëlik ngëyaas ngëcumal par ngëngilum gan lofënts ngi ka raan m’lik mak. M’win Rebeka di pëfotu bi na mob bi tsi uleemp? — Eliyeser apikra bi na win bi ne, Jeuva ro ko wi na ñaanul wi.

Eliyeser atseend Rebeka ngëko ngëcumal. A Rebeka ja Eliyeser ni balon baleemp ba ya kato bukul. Uband bukul a Eliyeser leents famil Rebeka ko un ka wi Abraam yëliul, ni bi Jeuva ro bi ko wi na ñaanul wi. A famil Rebeka lilan a ba niran pëwëtul na nima Isaak.

Rebeka tsëp Kanaan ni Eliyeser a nee nima Isaak

M’jaar ne Rebeka ñgal pënima Isaak? — Rebeka me ne Jeuva yëliun Eliyeser. Wul kawun bi familul yeparul bi ne a ñgal ank pëya Kanaan nu nima Isaak, a na ja: ‘Man ñgal pëtsëp.’ Din a na tsëp ni Eliyeser. Bi ba band bi Kanaan, a Rebeka nima Isaak.

Rebeka ro ko wi Jeuva ñgal wi, kawun Jeuva tsunkarul. A par ngëwaanu ngëcumal, a Yeesu bi buka di familul! Uci m’do pi Rebeka a m’lilan Jeuva, nu tsunkaru buts.

JANGIRI DI BIBLË

  • Genèse 12:​4, 5; 24:​1-​58, 67