Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 1

Ngë lilan pëme ko un doots wi mea

Ngë lilan pëme ko un doots wi mea

Iñaan leentsu ba ko un doots wi mea? — * Biblë a ñakanan ko un doots wi mea. Bañaan doots me wul par apëni di Nasiën batsi. Ñgal ngëwaanju ro ñgal pëme kowan. M’ñgal pëme ko un doots wi mea? —

Wé ngëwaanju do wun ñgal pëme?

Ujund umundu, Nasiën batsi leemp niints nacak ni ñgaats nacak. Bu ka jaa Adam ni Eva. Nasiën batsi tsu bukul tsëko tsëwar tsi kan jaka tsi utol Eden. Uci Adam ni Eva ro cikëndën Nasiën batsi, bukul ni babuk bukul, bu bi ka purir pëtsu umundu bëliëng uci tsëko tsëwar tsa naam tsi utol. Bu bi ka ci rul te bu ri ka cats. Maa m’les ko wi Adam ni Eva ro wi? —

Adam ni Eva bu cikëndënëts Nasiën batsi, kawun ngë cits di tsëko tsëwar. Maa Nasiën batsi aja kéé tsu umundu bëliëng u wara, kara iñaan nan cii rul ka lilan te di ka cats. Um bi Nasiën batsi kë ro bun kowan? Bañaan doots me bi nu ro bi. Aci ko un doots wi mea.

Bi Yeesu ci bi di umundu, aleents bañaan ngëko ngëcumal uleka ko un doots wink mea. Aja aci uleka Pësiën Nasiën batsi. Yeesu aja pa bañaan pëñaan pa Pësiën Nasiën batsi pëbaandi. Pul ka tsu pun umundu uci tsëko tsëwar.

M’ñgal pëme ko un doots wink mea? — Lesan ne, bañaan bi kan cikëndën biki Nasiën batsi koor bukul ka ci bukun di tsëko tsëwar. Biblë a ñakanan bayënts ni bakaats ban cikëndën biki Jeuva. M’ñgal pëme bukul-a? — Nja ka jund pëme balon tsi bukul, nja ka teen buts um bi ngë purir bun pënaam ni bukul.

JANGIRI DI BIBLË

  • Marc 4:​11

  • Pierre 1:​12

  • Genèse 1:​26-​28; 2:​8, 9; 3:​6, 23

  • Matthieu 6:​9, 10

  • Psaume 37:11, 29

^ par. 3 Di ulibar wi bëliëng, kë win ko wi (—) di bërum ngëyepar. Uci m’win wul kë me ne m’ka pëlip abuku nu ñakan.