Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 8

Josias aka ifetsar iwar

Josias aka ifetsar iwar

M’jaar ne a nooran përo uwar? — Unk di bacumal wejats run buts. Biblë aja aro nooran pa ulon upaas ni kan jakee Josias përo uwar. Maa aro ka ifetsar iwar ban jurarul biki. Nja ka tsas pëme Josias ni ifetsarul.

Asin Josias ka jaa Amon, aci nasiën Juda. Amon abuër kawaraats te na ro kajintëla icap. Bi asin Josias cats bi, a Josias yank pësiën Juda. Maa aro ka ngëwaanu kuwas rin! M’jaar ne Josias waraatsa pi asinul? — Nau, awara.

Sofonias aleents bañaan ba rits jintëla icap

Ñgal bi na ci bi napats Josias a ñgal përo ko wi Jeuva ja wi. Kawun na fetsar ni bañaan ban ñgal biki Jeuva rin. A ba jurar Josias na ro uwar. Biyën ci bukun balon tsi ifetsar Josias?

Nalon bëfetsar Josias ka jaa Sofonias. Sofonias aci nayëlia batsi nan leentsi bañaan Juda ne bu ka jëk bëjuats  uci ba jintëla icap. Josias a cikëndën Sofonias a na fets Jeuva, yaats di icap.

Nalon bëfetsar Josias ka jaa Jeremias. Iraan bukul ni Josias, ito bukul a wokëlër te noonts bukun. Bu ci ifetsar iwiak kawun Jeremias pican kaya, bi Josias cats bi. Nan cii nu jurar acints përo uwar ni pëfets Jeuva.

Josias ni Jeremias bu tsënkëlër pa përo uwar

Wé m’purir wun pëjuk di Josias? — Ñgal bi Josias ci bi napats a ñgal përo uwar. Ame ne aka pëfetsar ni bañaan ban ñgal biki Jeuva. Ciin bëfetsar bañaan ban ñgal biki Jeuva, ban ñgal biki pëjuraru përo uwar!

JANGIRI DI BIBLË

  • Chroniques 33:21-​25; 34:​1, 2; 35:25