Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 9

Jeremias wëtats pëleents përim Jeuva

Jeremias wëtats pëleents përim Jeuva

Wékawun bañaan riabatsër Jeremias?

Jeuva ro te Jeremias buër

Balon doon bu kë ji nja o bu ka riabatsër nja uci nja kë leents bukul përim Jeuva. Ko wi apurir pëtsu nja, nja ka ñgal pëwëtan pëleents përim Nasiën batsi. M’par ba ko wi? — Biblë a ñakanan ulon upaas nan ñgali Jeuva, maa aruka ko nu wëtan pëleents përimul. Katimul ka jaa Jeremias. Nja ka tsas pëmeul uwar.

Bi Jeremias ci bi upaas, Jeuva jaul na leents bañaan ba wëtan ngëko gan waraatsa ngi. Kowan a nooran pa Jeremias a na lal. A na ja Jeuva: ‘Imeets ko wi ndë ja wi. Man wam napats.’ Maa Jeuva jaul: ‘Cats lal. Man juraru.’

 Din a Jeremias jund pëleents bañaan, aja bukul ba wëtanëts ba përo ngëko gan waraatsa ngi bu ka win. M’jaar ne bañaan ro ko wi Jeremias ja wi? — Bu roots. Bu ci di pëjiul a ba riabatsërul mak. Balon do ñgal pëfiñgul! Wé Jeremias ro wun? — A lal a na ja: ‘Nji katse ka leents bañaan përim Jeuva.’ Jeremias ee ro ko wi na ja wi? — Bitse ro. A ñgal Jeuva mak kawun na purirëts pëwët pëleents përimul. Jeuva buëran Jeremias par wëtats pëleents përimul.

Bëlon bëyaas, balon bañaan ba waraatsa biki wat Jeremias di pëlik pëwandal, pan cum pi bëni. Jeremias kaats m’lik ni bariala rul. Bu ro ñgal pëwët Jeremias rul nu cats. Maa Jeuva jurarul, a na buër!

Wé m’purir wun pëjuk di Jeremias? — Ñgal bi na ro bi lal, Jeremias doots wët pëleents përim Jeuva. Uci kë leents përim Jeuva, bañaan purir pëjiu o bu ka riabatsëru. M’purir pëkawa o kë lal. Maa tsë wët pëleents përim Jeuva. Jeuva ka ci di pëjuraru bi na jurar bi Jeremias.

JANGIRI DI BIBLË

  • Jérémie 1:​4-8; 20:​7-9; 26:​8-​19, 24; 38:6-​13