Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 7

M’ci ba kooru a m’lal-a?

M’ci ba kooru a m’lal-a?

Teenan napats di pëfotu. Anaam unk ne aci koorul a na lal. M’ci ba kooru a m’lal-a? — Kaats nan puriri pëja netse ci koorul te netse lal. Biblë a ñakanan ifetsar Jeuva, ban ci biki koor bukul a ba lal. Nalon tsi bukul ka jaa Elias. Nja ka tsas pëmeul uwar.

Jesabel aro ñgal pëfiñg Elias

Elias aciina di ucaak Israel, bi Yeesu netse bi buka. Nasiën Israel ni kan jakee Akab doots ka fets Jeuva. Akab ni aarul Jesabel bu ka fets ucaay wi kan jaka wi Baal. Kawun bañaan bacumal di Israel jund pëfets Baal. Nasiën ñgaats Jesabel a kaalam a na ñgal pëfiñg bañaan bi kan fets biki Jeuva ni Elias! M’me ko wi Elias ro wi? —

Elias atuk! Atsëp di kantsiëlin a nee beka di baar di tsëko ilaak. Wékawun  na tuk? — Alal. Maa Elias doots ka pëlal. Wékawun? Par ame ne Jeuva purir pëjurarul. Jeuva aro piban ba Elias ne aka uforsa. Bëlon bëyaas, bi Elias ñaanul bi, a Jeuva wëtani bërua di batsi. Ko wi apiban ne inkri Jeuva purir pëjurar Elias!

Um bi Jeuva jurar bun Elias?

Bi Elias ci bi di baar, Jeuva ruul a na yeparul: ‘Kë ro wé tsi?’ A Elias yankul: ‘Bu fiñg bafetsu bëliëng inji nduka wun koorin. A n lal, man jaar ne bu ka fiñgin.’ Elias a jaar ne bafets Jeuva a fiñga bëliëng. Maa Jeuva jaul: ‘Nau, cits ucar. Aka bañaan 7.000 ban ci biki di pëfetsin. Cats lal. Man ka uleemp pa wi!’ M’jaar ne Elias alilan pëte ko wi? —

Wé m’purir wun pëjuk di ko un par wi ni Elias? — M’kaats pëjaar ne m’ci kooru, m’kaats pëlal. M’ka ifetsar ban ñgal biki Jeuva a ba ñgalu buts. Lesan buts ne Jeuva ka uforsa mak a na purir pëjuraru! M’lilan pëme ne Jeuva ka juraru? —

JANGIRI DI BIBLË

  • Rois 19:​3-​18

  • Psaume 145:18

  • Pierre 5:9