Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 11

Bu pican uleka Yeesu

Bu pican uleka Yeesu

M’win bañaan di pëfotu? — Aci Mateus, Markus, Lukas, Jon, Pieer, Tiagu, Judas, ni Pol. Bu ro ci uwal wi Yeesu ci wi di umundu, a ba pican uleka Yeesu. Nja ka tsas pëme bukul uwar.

Wé m’me wun uleka bañaan biki?

Bawaants tsi bukul aci bapostolu Yeesu ban yandaar biki ni nul pa pëleents përim Nasiën batsi. M’me bukul-a? — Aci Mateus, Jon, ni Pieer.  Bapostolu Mateus ni Jon bu me Yeesu uwar, kara iñaan tsi bukul apican ulibar, uleka ubira Yeesu. Napostolu Jon apican buts ulibar wi kan jaka wi Révélation ni ngëletar ngëwaants gan tsij ngi katimul. Napostolu Pieer apican ngëletar ngëtëb di Biblë, gan tsij ngi katimul. Di uletarul utëbatsën, Pieer apican bi Jeuva ñakani bi di batsi a na ja Yeesu: ‘Wi ci wun abuk inji, man ñgalu mak man lilandëru.’

Ba cints bukun di pëfotu bu pican buts ngëlibar, ngi kan jukan inja ngi uleka Yeesu. Nalon tsi bukul ka jaa Markus. A naam a maatir bi Yeesu kë moba bi a na win ko un parwi bëliëng. Nalon aci Lukas. Aro ci nacuunkan, te a naam bi Yeesu cats bi, a na ru ci nafetsul.

Batëb ba cints bukun di pëfotu, ban pican biki di Biblë, aci batsa Yeesu. M’me itim bukul-a? — Buka jaa Tiagu ni Judas. Bu roots fiar di Yeesu. Bu ro jaar ne Yeesu afuur. Ma bu bi fiar di Yeesu a ba ci bafetsul.

Napican Biblë, natuami di pëfotu, aci Pol. Aro ka jaka Saulu, bi na netse bi ci nafets Yeesu. Aro ñaas bafets Yeesu a nu ro bukul umaal. M’me ko un ka wi Pol ñgal pëci nafets Yeesu? — Ulon unu bi na pën bi pëtsëp Damasku din a na te përim iñaan di batsi. Aci përim Yeesu! A Yeesu yepar Pol: ‘Wékawun m’ñaas bi kan fetsin biki?’ A u paarir a Pol tsañan a na ci nafets Yeesu. Pol apican ngëlibar 14 di Biblë, di Romains te Hébreux.

Nja ka jangir Biblë kara unu, cits ank? — Uci ngë jangir Biblë nja ka purir pëme Yeesu. M’ñgal pëme Yeesu uwar? —

JANGIRI BI BIBLË

  • Pierre 1:​16-​18

  • Marc 3:​21; 14:51

  • Jude 1

  • Actes 9:​1-​18