Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Jukani Babuku

 UME 12

Ayimi Pol ayeents ko

Ayimi Pol ayeents ko

Nja ka tsas pëme ulon upaas nan buërani ubira aninul niints. Upaas wi aci ayimi Pol. Ngë meets katimul, maa ngë me ne, aro ko un piban wi ne ayeents ko. M’ñgal pëme ko wi na ro wi? —

Pol aci di ukalabus di Jerusalen. Arica par aro ka leents bañaan uleka Yeesu. Balon bañaan ban ñaas biki Pol, bu ci di pëtsas bi bu kë fiñgul bi. Bu ja: ‘Ngë leents nawiak basondaari na ja basondaari ba kuri Pol di tsëko kawat pëleents. Nja ka beka di bëga, u par Pol nja ka fiñgul!’

Ayimi Pol aleents Pol ni nawiak basondari ko wi na te wi

Ayimi Pol ate ko wi ba ja wi. Wé na purir wun përo? Atsëp ukalabus a nee leents Pol. Din a Pol jaul na leents nawiak basondaari ko wi na te wi. M’jaar ne a raf pa ayimi Pol pëleents nawiak basondaari ko wan? — Rafats, par nawiak basondaari ci iñaan nawiak. Maa ayimi Pol ayeents ko a na tsëp ee leents nawiak basondaari ko wi na te wi.

A nawiak basondaari me ko wi nu ro wi. Atsu ko un par wi basondaari 500 pa pëgaarir Pol! Aja bukul ba tsëpand Pol Sesareia bërëm bëmënts bun. Pol abuër-a? — Abuër, ban ñaas biki Pol di ka purir pëmobul! Ko wi ba ro wi wejats bitse ci.

Wé m’purir wun pëjuk tsi ko wi? — Wi buts m’purir pëyeents ko pi ayimi Pol. Ngë ka pëyeents ko pa pëleents bañaan përim Jeuva. M’yeents ko pa pëmob tsi pëleents bañaan përim Jeuva? — Uci m’do ko wan, kë purir pëbuëran ubira iñaan.

JANGIRI DI BIBLË

  • Actes 23:12-​24

  • Matthieu 24:14; 28:18-​20

  • Timothée 4:​16