Pëya di bametsu ulibar

Yaan di ujundi

Yaan di ujundi ulibar

Bayëla Jeuva

Manjaku

Um bi familu purir bun pëlilan?

 KAJARA 2

Nda mobëlëri uwar

Nda mobëlëri uwar

“Ko wi Nasiën batsi bof wi iñaan tsë patsës wul.” — Marc 10:9

Jeuva ñgal nja ka ci ban “mab” biki. (Mika 6:8) Bëmabal awara mak di bënim, u cits ank iñaan di ka fiar acints. Pa bëñgal ba nimar biki pëlinc, nan cii aka pëfiar acints.

Tsari bañaan katse mobëlër uwar di bënim. Pa bënimu pëci uwar m’ka përo ngëko ngëtëb.

 1 TSUUN BËNIMU DI BËRUM NGËKO BËLIËNG

WÉ BIBLË JAWUN: “Nda baari ibats di ngëko gan pe ngi pëwara.” (Philippiens 1:10) Bënimu abof di ngëko gan pe ngi pëwara pa wi. M’ka pëtsu bul di bërum ngëko bëliëng.

Jeuva ñgal wi pëbaar ibats di aaru o di ayënu kë “lilan” ni nul. (Ecclésiaste 9:9) Jeuva piban ne m’kaats pëwëtan aaru o ayënu, maa ind bëliëng nda ka pëtsas bi ndu ro bi pa nan cii nu lilan acints. (Corinthiens 10:24) Pibani aaru o ayënu ne m’fiërul a m’lilandërul.

KO WI M’PURIR WI PËRO:

  • Lesan puu ciëi ni aaru o ni ayënu, kë tsu ibats di nul rin.

  • Wejatsi “acintsu” tsë wejats “beenu” rin.

 2 MOBAN UWAASU

WÉ BIBLË JAWUN: “Nan cii di pëteen ñgaats te na tsu ibats di nul, apints ba ni nul di uwaasul.” (Matthieu 5:28) Uci iñaan ci ri pëwejats pëpints ni iñaan ni ba nimarëtsi, ajund pëci iñaan na mabatsi pa aarul o pa ayënul.

Jeuva ja m’ka “pëmob uwaasu.” (Proverbes 4:23; Jérémie 17:9) Pa përo ko wi, m’ka pëlipar ko wi kë teen wi. (Matthieu 5:29, 30) Doon pi niints ni kan jakee Jo, nan do wi pëloole ni këkësul pa përits teen nalon ñgaats nan citsi aarul. (Job 31:1) Tsë niran pëteen ko wi kan tsuu wi kë ñgal pëpints ni iñaan ni nda nimarëtsi. Tsë ñgal iñaan nan citsi aaru o ayënu.

KO WI M’PURIR WI PËRO:

  • Pibani bañaan ne m’mob di aaru o ayënu.

  • Tsasan pëme ko un ci wi di uwaas aaru o ayënu, kë ba ni bëfetsar ban purir bi pëtsu aaru o ayënu na rits lilan.