Satan anvi ki ou pratik mazik. Pou protez zot kont lemal, boukou fer bann sakrifis pou zot bann gran dimounn ouswa pou bann lespri. Zot fer sa parski zot per bann lafors ki lemond bann lespri ena. Zot met bann bag ouswa bann brasle mazik. Zot bwar bann “medsinn” ki swadizan ena bann pouvwar mazik ouswa zot frot sa lor zot lekor. Bann dimounn kasiet bann kitsoz dan zot lakaz ouswa anba later, zot panse ki sa kapav protez zot. Ena servi bann “medsinn” mazik parski zot krwar ki sa pou fer zot reisi dan zot biznes, dan zot lexame lekol, ouswa kan zot frekante avan marye.

Si Jéhovah Li ou kamarad, samem meyer proteksion kont Satan. Jéhovah ek so bann anz boukou pli for ki Satan ek so bann demon. (Jacques 2:19; Révélation 12:9) Jéhovah ena enn gran dezir pou montre so lafors an faver so bann kamarad​—bann ki bien fidel ar Li.​—2 Chroniques 16:9.

Parol Bondie dir: “Zot bizin pa pratik mazik.” Jéhovah kondann mazik ek sorselri parski sa bann pratik-la kapav met enn kikenn direkteman anba pouvwar Satan Lediab.​—Lévitique 19:26.