Skip to content

Skip to table of contents

Mo livre zistoire la Bible

Mo livre zistoire la Bible
Jésus pé koz avek bann zenfant

Dan sa livre-la ena bann vrai zistoire. Tou sa bann zistoire-la sorti dan pli grand livre ki existé, setadir la Bible. Sa bann zistoire-la raconte nou seki finn passé depuis ki Bondié ti commence crée le monde ziska zordi. Zot mem koz lor bann promesse ki Bondié faire pou l’avenir.

Grace a sa livre-la, zot kapav gagne enn l’idée lor seki ena dan la Bible. Sa livre-la koz lor bann dimoune ki mentionné dan la Bible ek bann kitsoz ki zot ti faire. Li koz aussi lor l’esperance extraordinaire ki Bondié finn donne bann dimoune, setadir pou vive pou touletan dan enn paradis lor la terre.

Ena 116 zistoire dan sa livre-la. Zot divisé en huit partie, ek lor enn page avant chaque partie ou pou trouve enn resumé seki ena dan sa partie-la. Sa livre-la raconte sa bann zistoire-la dan l’ordre ki sa bann l’evenement-la finn arrivé dan l’Histoire. Sa pou aide ou pou aprann kan certain kitsoz inn arrivé dan l’Histoire ek ki rapport sa ena avek lezot l’evenement.

Sa bann zistoire-la finn ecrire dan enn langage simple. Beaucoup parmi zot, bann zenfant, pou kapav lire sa bann zistoire-la par zot-mem. Parent, ou pou trouvé ki ou bann zenfant pa pou arrete demann ou lire sa bann zistoire-la avek zot. Ou pou trouvé ki sa livre-la li interesse bann jeune ek bann ki agé toulé-deux.

A la fin chaque zistoire ou pou trouve bann verset la Bible lor ki sa bann zistoire-la basé. Nou encourage ou pou lire sa bann portion la Bible-la.

Dan sa livre-la, finn rann bann texte la Bible bien simple. Bann zenfant pa pou gagne difficulté pou comprend zot. A la fin chaque zistoire, ena bann texte la Bible kot sa bann zistoire-la sorti.