Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 115: Enn nouveau paradis lor la terre

Zistoire 115: Enn nouveau paradis lor la terre

GUETTE tou sa bann grand-grand pié-la, sa bann joli fleur ek montagne haute-la. Eski sa l’endroit-la pa extra joli? Guetté couma sa cerf-la pé mange dan la main sa ti garson-la. Ek guette bann lion ek bann cheval ki pé debouté dan l’herbe. Eski to ti pou content ena enn lakaz ki trouve dan enn l’endroit coumsa?

Bondié envie ki to vive pou touletan lor la terre dan enn paradis. Ek Li pa envie ki to gagne okenn douleur ki faire bann dimoune souffert zordi. Ala promesse ki la Bible faire ar bann ki pou vive dan sa nouveau paradis-la: ‘Bondié pou avek zot. Pou nepli ena la mort, criyé ek douleur. Sa bann vié kitsoz-la finn disparette.’

Jésus pou faire sur ki sa bann joli changement-la arrivé. Eski to koné kan? C’est apré ki nepli pou ena bann mauvais kitsoz ek bann mauvais dimoune lor la terre. To rappel, alors ki Jésus ti lor la terre li ti gueri bann dimoune ki ti ena tou sorte qualité maladie, ek li ti mem ressuscite bann dimoune mort. Jésus ti faire sa pou montré ki li pou faire pou la terre entier kan li pou vinn le Roi dan royaume Bondié.

Mazinn enn coute couma sa pou extraordinaire kan nou pou dan sa nouveau paradis lor la terre-la! Jésus, ensam avek bann ki li’nn choisir, pou regné dan le ciel. Sa bann dirigeant-la pou prend compte tou dimoune lor la terre ek pou veillé ki zot heureux. Anou guetté ki nou bizin faire pou ki nou sur ki Bondié donne nou la vie pou touletan dan so nouveau paradis.

Révélation 21:3, 4; 5:9, 10; 14:1-3.

Enn zimage paradis


Question

  • Dapré la Bible dan ki condition nou pou vive dan Paradis ki pou ena lor la terre?
  • Ki la Bible promette pou bann ki pou vive dan Paradis?
  • Kan Jésus pou faire sur ki sa joli changement-la arrivé?
  • Kan Jésus ti lor la terre, ki li ti faire pou montré seki li pou faire dan Royaume Bondié en tant ki le Roi?
  • Ki Jésus ek bann ki pou dirige avek li dan le ciel pou faire sur kan zot pou dirigé lor la terre?

Bann question en plus

  • Lire Révélation 5:9, 10.

    Kifer nou kapav ena l’assurance ki bann ki pou dirige la terre pendant mille an pou bann le roi ek bann pretre ki ena compassion ek misericorde? (Éph. 4:20-24; 1 Pierre 1:7; 3:8; 5:6-10)

  • Lire Révélation 14:1-3.

    Bann 144,000 ena nom le Pere ek nom l’Agneau ecrire lor zot front, ki so signification? (1 Cor. 3:23; 2 Tim. 2:19; Rév. 3:12)