Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 104: Jésus retourne dan le ciel

Zistoire 104: Jésus retourne dan le ciel

A MESURE ki bann jour passé, plusieurs fois Jésus apparette ar so bann disciple. Enn fois environ 500 disciple trouve li. Kan Jésus apparette ar bann disciple, eski to koné lor ki kitsoz li kozé? Li koz lor Royaume Bondié. Jéhovah ti envoye Jésus lor la terre pou enseigne bann dimoune lor Royaume Bondié. Ek Jésus contigne faire sa, mem apré ki li finn ressuscité.

Jésus retourne dan le ciel

Eski to rappel ki été royaume Bondié? C’est gouvernement Bondié ki trouve dan le ciel, ek Bondié finn choisir Jésus couma le roi. Couma nou finn aprann, Jésus finn montré ki li pou enn le roi extraordinaire kan li’nn nourri bann ki ti faim, gueri bann malade, ek mem ressuscite bann dimoune mort!

Alors, kan Jésus pou regné couma le roi dan le ciel pendant mille an, couma la terre pou été? Pena doute ki la terre entier pou vinn enn joli paradis. Pou nepli ena la guerre, crime, maladie ek mem la mort pou nepli existé. Nou koné ki sa vrai parski Bondié inn faire la terre pou ki li vinn enn paradis kot bann dimoune kapav vive heureux. C’est a cause sa ki Li ti crée jardin Éden dan commencement. Jésus pou faire enn maniere ki seki Bondié envie sa-mem ki arrivé a la fin.

Asterla finn arrive ler pou Jésus retourne dan le ciel. Li ti apparette ar so bann disciple pendant 40 jour. Asterla zot sur ki li’nn ressuscité. Mais avant ki li quitte so bann disciple, guette seki li dire zot: ‘Reste dan Jérusalem ziska zot gagne l’esprit saint.’ L’esprit saint c’est la force actif Bondié. Li couma enn la brise ki soufflé ki pou aide so bann disciple faire volonté Bondié. Finalement, Jésus dire: ‘Zot bizin preche lor moi dan bann l’endroit pli loin lor la terre.’

Apré ki Jésus dire sa, enn kitsoz extraordinaire arrivé. Li commence monte dan le ciel, pareil couma to kapav trouvé ici. Lerla, enn nuage cachiette li, ek bann disciple nepli trouve li encore. Jésus al dan le ciel, ek depuis la-bas li commence regne lor so bann disciple ki lor la terre.

Bann disciple pé guette dan le ciel

1 Corinthiens 15:3-8; Révélation 21:3, 4; Actes 1:1-11.



Question

  • Dan enn l’occasion comié disciple trouve Jésus, ek lor ki kitsoz li koz ar zot?
  • Ki été Royaume Bondié, ek couma la vie pou été lor la terre kan Jésus pou regné pendant mille an?
  • Pendant comié jour Jésus inn apparette ar so bann disciple, mais asterla ki’nn arrive ler pou li faire?
  • Zis avant li quitte so bann disciple, ki Jésus dire zot faire?
  • Ki pé arrivé lor sa zimage-la, ek ki’nn arrivé ki sa bann disciple-la nepli trouve Jésus?

Bann question en plus

  • Lire 1 Corinthiens 15:3-8.

    Kifer l’apotre Paul ti kapav koz concernant resurrection Jésus avek conviction, ek concernant ki kitsoz bann chretien kapav koz avek conviction zordi? (1 Cor. 15:4, 7,8; Is. 2:2, 3; Mat. 24:14; 2 Tim. 3:1-5)

  • Lire Actes 1:1-11.

    Pareil couma ti predire dan Actes 1:8, ziska ki point travail predication inn fané partout? (Actes 6:7; 9:31; 11:19-21; Col. 1:23)