Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

7eme Partie: Resurrection Jésus ziska ki Paul al dan prison

7eme Partie: Resurrection Jésus ziska ki Paul al dan prison

Troisieme jour apré so la mort, Jésus ressuscité. Sa jour-la li apparette ar so bann disciple dan cinq different l’occasion. Jésus contigne apparette ar zot pendant 40 jour. Lerla, pendant ki certain disciple pé guetté, Jésus monte dan le ciel. Dix jour apré Bondié envoye l’esprit saint lor bann disciple Jésus ki pé attann dan Jérusalem.

Plitar, bann l’ennemi Bondié jette bann zapotre dan prison, mais enn ange libere zot. Bann l’ennemi envoye Étienne, enn disciple, coute roche ziska ki li mort. Mais nou aprann couma Jésus choisir enn parmi so bann opposant pou vinn so serviteur special, ek li vinn l’apotre Paul. Lerla, trois an et demi apré la mort Jésus, Bondié envoye l’apotre Pierre pou al preche avek Corneille ek so famille, ki pa ti Juif.

Apepré 13 an apré, Paul commence so premier voyage predication. Dan so deuxieme voyage Timothée al ensam avek li. Nou aprann couma Paul ek bann dimoune ki voyage ensam avek li konn bann moment extraordinaire dan zot service pou Bondié. A la fin, bann opposant mette Paul dan prison dan Rome. Deux an apré li liberé, mais bann l’ennemi ré-mette li dan prison ek touye li. Tou seki raconté dan 7eme PARTIE finn arrivé pendant enn periode apepré 32 an.

Saul aveuglé par enn la lumiere