Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 96: Jésus gueri bann malade

Zistoire 96: Jésus gueri bann malade

A MESURE ki Jésus pé faire le tour pays, li gueri bann malade. Dan tou bann village ek dan bann la ville alentour bann dimoune pé koz lor sa bann mirak-la. A cause sa bann dimoune amenn bann ki handicapé, aveugle, sourde ek ki ena lezot maladie. Ek Jésus gueri zot tou.

Plus ki trois an inn passé depuis ki Jean inn baptise Jésus. Ek Jésus dire so bann zapotre ki bientot li pou al Jérusalem, kot bannla pou touye li ek apré li pou ressuscité. Mais avant ki sa arrivé, Jésus contigne gueri bann malade.

Jésus gueri enn femme malade

Enn jour Jésus pé enseigné pendant Sabbat. Sabbat c’est enn jour kot bann Juif repose zot. Sa madame ki to trouvé ici-la ti bien-bien malade. Pendant 18 an li’nn reste courbé, ek li pa ti kapav deboute droite. Alors, Jésus mette so la main lor li, ek li deboute droite. Li’nn gueri!

Sa faire bann chef religieux en colere. Enn parmi zot criyé dan la foule: ‘Ena six jour kot nou bizin travail. Vinn enn sa bann jour-la pou gagne guerison, pa vinn jour Sabbat!’

Mais Jésus reponn: ‘Bann mauvais zom. N’importe kisannla parmi zot pou largue so bourrik ek amenn li boire jour Sabbat. Alors, eski sa pauvre madame ki’nn malade pendant 18 an-la pa kapav gagne guerison jour Sabbat?’ Reponse ki Jésus donné faire sa bann mauvais zom-la gagne honté.

Plitar Jésus ek so bann zapotre al Jérusalem. Zis couma zot quitte la ville Jéricho, deux mendiant aveugle tann dire ki Jésus pé passé. Alors zot criyé: ‘Jésus aide nou!’

Jésus appel sa bann missié aveugle-la ek demandé: ‘Ki zot envie mo faire pou zot?’ Zot dire: ‘Seigneur faire nou lizié ouvert.’ Jésus touche zot lizié, ek desuite zot trouve clair! Eski to koné kifer Jésus faire tou sa bann mirak extraordinaire-la? C’est parski li content bann dimoune ek li envie ki bannla ena la foi en li. Ek nou kapav sur ki kan li pou regné en tant ki le Roi personne lor la terre pa pou malade encore.

Matthieu 15:30, 31; Luc 13:10-17; Matthieu 20:29-34.



Question

  • Ki Jésus faire pendant ki li pé voyage partout dan pays?
  • Apepré trois an apré ki Jésus ti baptisé, ki li dire so bann zapotre?
  • Kisannla sa bann dimoune dan zimage-la, ek ki Jésus faire pou sa madame-la?
  • Kifer seki Jésus dire pou reponn objection bann chef religieux faire zot gagne honté?
  • Kan Jésus ek so bann zapotre arrive pré ar Jéricho, ki Jésus faire pou deux mendiant ki aveugle?
  • Kifer Jésus faire bann mirak?

Bann question en plus

  • Lire Matthieu 15:30, 31.

    A travers Jésus, ki pouvoir extraordinaire nou finn trouvé Jéhovah ena, ek couma sa bizin ena enn l’effet lor seki nou’nn comprend concernant seki Jéhovah inn promette pou le monde nouveau? (Ps. 37:29; Is. 33:24)

  • Lire Luc 13:10-17.

    Jésus ti faire bann mirak extraordinaire jour sabbat, couma sa montré nou ki qualité soulagement li pou amené pou l’humanité kan ki li pou regné pendant mille an? (Luc 13:10-13; Ps. 46:9; Mat. 12:8; Col. 2:16, 17; Rév. 21:1-4)

  • Lire Matthieu 20:29-34.

    Couma eski sa recit-la montré ki Jésus jamais trop occupé pou aide bann dimoune, ek ki leson nou kapav aprann ar sa? (Deut. 15:7; Jacq. 2:15, 16; 1 Jean 3:17)