Skip to content

Skip to table of contents

Zistoire 91: Jésus enseigne lor enn montagne

Zistoire 91: Jésus enseigne lor enn montagne

GUETTE Jésus pé assizé la. Li pé enseigne tou sa bann dimoune-la lor enn montagne dan Galilée. Bann ki pé assize pli pré ar li c’est so bann disciple. Li finn choisir 12 parmi zot pou vinn so bann zapotre. Bann zapotre c’est bann disciple Jésus ki pli special. Eski to konn zot nom?

Jésus pé enseigné

Ena Simon Pierre ek so frere André. Apré ena Jacques ek Jean, zot aussi zot deux frere. Ena enn lot zapotre ki appel Jacques ek enn lot aussi ki appel Simon. Ena deux zapotre ki appel Judas. Enn c’est Judas Iscariote, ek lot-la appel aussi Thaddée. Apré ena Philippe ek Nathanaël (appel li aussi Barthélemy), ek Matthieu ek Thomas.

Apré ki zot quitte Samarie, Jésus commence preché pou premier fois, li dire: ‘Royaume le ciel pé vini.’ To koné ki sa royaume-la sa? C’est vrai gouvernement Bondié. C’est Jésus ki le roi sa royaume-la. Li pou regné depuis le ciel ek li pou amenn la paix lor la terre. Royaume Bondié pou faire la terre entier vinn enn joli paradis.

Ici Jésus pé enseigne bann dimoune concernant sa royaume-la. Li expliké: ‘Ala couma zot bizin prié: Nou papa ki dan le ciel, faire ki to nom gagne l’honneur. Faire ki to royaume vini. Ki to volonté faire lor la terre, pareil couma dan le ciel.’ Beaucoup dimoune appel sa la priere-la ‘Notre Père.’ Eski to kapav recite sa la priere-la net?

Jésus enseigne bann dimoune aussi couma zot bizin traite sakenn so camarade. Li dire: ‘Faire pou lezot seki to ti pou envie zot faire pou toi.’ Eski to pa content kan lezot traite toi dan enn bon fason? Sa vedir Jésus pé dire ki nou bizin traite lezot avek bonté. Eski sa pa pou extraordinaire dan paradis kan tou dimoune pou agir coumsa?

Matthieu chapitre 5 ziska 7; 10:1-4.



Question

  • Dan zimage, kot-sa Jésus pé enseigné, ek kisannla pé assize pli pré kot li?
  • Cite nom bann 12 zapotre.
  • Ki été sa Royaume ki Jésus pé preché-la?
  • Pou ki kitsoz Jésus enseigne le peuple prié?
  • Ki Jésus dire lor fason ki le peuple bizin traite sakenn so camarade?

Bann question en plus

  • Lire Matthieu 5:1-12.

    Dan ki fason nou kapav montré ki nou koné ki nou pauvre lor plan spirituel? (Mat. 5:3; Rom. 10:13-15; 1 Tim. 4:13, 15, 16)

  • Lire Matthieu 5:21-26.

    Couma Matthieu 5:23, 24 montré ki nou relation avek nou bann frere ena enn l’effet lor nou relation avek Jéhovah? (Mat. 6:14, 15; Ps. 133:1; Col. 3:13; 1 Jean 4:20)

  • Lire Matthieu 6:1-8.

    En rapport avek etabli nou prop la justice, cite certain forme sa mauvais l’attitude-la ki nou bizin rejeté. (Luc 18:11, 12; 1 Cor. 4:6, 7; 2 Cor. 9:7)

  • Lire Matthieu 6:25-34.

    Ki Jésus ti enseigné concernant l’importance pou ena confiance ki Jéhovah pou donne nou bann kitsoz ki nou bizin lor plan materiel? (Ex. 16:4; Ps. 37:25; Phil. 4:6)

  • Lire Matthieu 7:1-11.

    Dan Matthieu 7:5 ena enn l’exemple bien vivant. Ki sa enseigne nou? (Prov. 26:12; Rom. 2:1; 14:10; Jacq. 4:11, 12)