Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

6eme Partie: Naissance Jésus ziska so la mort

6eme Partie: Naissance Jésus ziska so la mort

Bondié ti envoye ange Gabriel kot enn jeune fille ki ti appel Marie. Li ti dire li ki li pou gagne enn zenfant ki pou dirigé couma le roi pou touletan. Sa zenfant-la c’est Jésus, ek li ti né dan enn place kot bann dimoune garde bann zanimo, ek bann berger ti vinn guette li la. Plitar, enn zetoile ti guide bann zom, ki sorti dan l’est, vers sa ti zenfant-la. Nou aprann kisannla finn faire zot trouve sa zetoile-la, ek couma Jésus inn reussi sapé malgré bann zeffort ki ti faire pou touye li.

Apré sa, nou trouve Jésus, kan li ti ena 12 an, ki pé koz avek bann enseignant dan temple. Dix-huit an plitar Jésus ti baptisé, ek lerla li ti commence faire travail ki Bondié ti envoye li faire lor la terre, setadir preche lor Royaume ek enseigné. Pou aide li dan sa travail-la, Jésus ti choisir 12 zom ek li ti faire zot vinn so bann zapotre.

Jésus ti aussi faire bann mirak. Li ti nourri bann millier dimoune ar zis deux-trois ti poisson ek deux-trois di-pain. Li ti gueri bann malade ek li ti mem ressuscite bann mort. Finalement, nou aprann beaucoup kitsoz ki ti arrive Jésus pendant dernier jour so la vie, ek couma finn touye li. Jésus ti preché pendant environ trois an et demi, alors 6eme PARTIE raconte seki finn passé pendant inpé plus ki 34 an.

Jésus pé enseigné