Skip to content

Skip to table of contents

Zistoire 36: Enn veau en or

Zistoire 36: Enn veau en or

AYO, ayo! Ki le peuple pé faire? Zot pé adore enn veau! Kifer zot pé faire sa?

Pendant ki Moïse reste lor montagne pendant enn bon boute le temps, le peuple dire: ‘Nou pa koné ki’nn arrive Moïse. Alors laisse nou al faire enn bondié ki pou faire nou sorti dan sa pays-la.’

Moïse crase deux roche plate en bas

Moïse so frere, Aaron, dire: ‘D’accord, tire zot bann zanon en or, ek donne moi.’ Kan le peuple faire sa, Aaron fonn sa bann bijou-la ek faire enn veau en or. Ek lerla le peuple dire: ‘Sa-mem nou Bondié, ki’nn tire nou dan l’Égypte!’ Apré sa, bann Israélite faire enn grand fête, ek zot adore sa veau en or-la.

Kan Jéhovah trouve sa, Li bien en colere. Alors Li dire Moïse: ‘Degazé desann. Le peuple pé faire enn kitsoz ki bien pa bon. Zot inn blié mo bann la loi ek zot pé adore enn veau en or.’

Bann dimoune pé adore enn veau en or

Moïse degazé desann depuis montagne. Ek kan li arrivé, ala seki li trouvé: le peuple pé chanté ek dansé autour sa veau en or-la! Moïse tellement en colere ki li jette sa deux roche plate lor ki ti ena la loi-la, ek zot cassé boute-boute. Lerla li prend sa veau en or-la ek fonn li. Apré sa, li crase-crase li ek faire li vinn en poudre.

Le peuple inn faire enn kitsoz bien mauvais. Alors Moïse dire certain so bann zom prend zot l’epée. Moïse dire: ‘Bann mauvais dimoune ki’nn adore sa veau en or-la bizin mort.’ Lerla so bann zom touye 3,000 dimoune! Eski sa pa montré nou ki nou bizin faire attention pou adore zis Jéhovah, ek pa okenn lezot fausse bondié?

Exode 32:1-35.



Question

  • Lor sa zimage-la, ki sa bann dimoune-la pé faire, ek kifer?
  • Kifer Jéhovah en colere, ek ki Moïse faire kan li trouvé seki le peuple pé faire?
  • Ki Moïse dire certain zom faire?
  • Ki leson nou kapav tiré dan sa zistoire-la?

Bann question en plus

  • Lire Exode 32:1-35.

    Dapré sa recit-la, kan melange fausse religion ek vrai l’adoration, ki Jéhovah pensé lor la? (Ex. 32:4-6, 10; 1 Cor. 10:7, 11)

    Lor ki kitsoz bann chretien bizin veillé kan zot pé choisir zot bann divertissement, couma par exemple la musik ou-soit dansé? (Ex. 32:18, 19; Éph. 5:15, 16; 1 Jean 2:15-17)

    Dan ki fason tribu Lévi finn laisse enn bon l’exemple pou nou kan zot finn prend position pou la justice? (Ex. 32:25-28; Ps. 18:25)