Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 46: Bann muraille Jéricho

Zistoire 46: Bann muraille Jéricho

KI PÉ faire sa bann muraille Jéricho-la tombé? Coumadir enn gros bombe inn tombe lor zot. Mais dan sa lepok-la pa ti ena bombe; zot-mem pa ti ena fusil. Sa c’est enn lot mirak ki Jéhovah inn faire! Anou aprann couma sa inn arrivé.

Bann muraille Jéricho pé tombé

Ecoute seki Jéhovah dire Josué: ‘Toi ek to bann zom la guerre bizin faire le tour la ville. Faire so le tour enn fois par jour pendant six jour. Sarié l’arche l’alliance ar zot. Sept pretre bizin marche devant li ek sonne zot trompette.

‘Septieme jour zot bizin faire le tour la ville sept fois. Lerla, faire zot sonne zot trompette plus longtemps, ek pousse enn grand cri la guerre. Ek bann muraille pou tombe en place!’

Josué ek le peuple faire seki Jéhovah dire. Pendant ki zot marché, zot tou reste trankil. Personne pa dire enn mot. Tann zis bann dimoune pé marché ek son bann trompette. Surement ki peuple Jéricho, bann l’ennemi Bondié, ti pé gagne peur. Eski to kapav trouve sa la corde rouge ki pé apendan ar la fenetre-la? Kisannla so la fenetre sa? Rahab inn faire seki sa deux espion-la inn dire li faire. Ensam avek li, tou so famille pé guetté ki pé passé.

Josué

A la fin, kan inn arrive septieme jour, apré ki zot faire le tour la ville sept fois, tann bann trompette, bann zom la guerre criyé ek muraille tombé. Lerla Josué dire: ‘Touye tou dimoune dan la ville ek brule li. Brule tou kitsoz. Garde zis l’argent, l’or, cuivre, ek ferraille ek mette zot dan tresor la tente Jéhovah.’

Josué dire sa deux espion-la: ‘Al dan lakaz Rahab ek faire li ek so famille sorti.’ Rahab ek so famille gagne la vie sauve pareil couma bann espion ti promette li.

Josué 6:1-25.



Question

  • Ki Jéhovah ti dire bann zom ki ti pé al laguerre ek bann pretre faire pendant six jour?
  • Ki bann zom ti bizin faire septieme jour?
  • Couma to trouvé lor zimage, ki ti arrive bann muraille Jéricho?
  • Kifer ena enn la corde rouge ki pé apendan ar sa la fenetre-la?
  • Ki Josué ti dire bann zom faire ar sa la ville-la ek so bann habitant, mais ki zot ti bizin faire ar l’argent, l’or, cuivre ek fer?
  • Sa deux espion-la ti gagne l’ordre pou faire ki kitsoz?

Bann question en plus

  • Lire Josué 6:1-25.

    Bann Israélite ti marche autour Jéricho pendant septieme jour. Mais couma sa pareil avek predication ki bann Témoins de Jéhovah pé faire pendant sa bann dernier jour-la? (Jos. 6:15, 16; Is. 60:22; Mat. 24:14; 1 Cor. 9:16)

    Couma prophetie ki trouve dan Josué 6:26 ti realisé 500 an plitar, ek ki sa aprann nou lor parole Jéhovah? (1 Rois 16:34; Is. 55:11)