Skip to content

Skip to table of contents

3eme Partie: Depuis zot sorti l’Égypte ziska premier le roi Israël

3eme Partie: Depuis zot sorti l’Égypte ziska premier le roi Israël

Moïse ti conduire bann Israélite depuis zot sorti l’Égypte, ziska montagne Sinaï, kot Bondié ti donne zot so bann la loi. Plitar, Moïse ti envoye 12 espion pou guetté couma pays Canaan été. Mais 10 ladan ti faire enn mauvais rapport kan zot ti retourné. Zot ti faire le peuple envie retourne l’Égypte. Parski zot pa ti ena assez la foi, Bondié ti puni bann Israélite kan Li ti faire zot tourne en rond dan desert pendant 40 an.

Finalement, Li ti choisir Josué pou conduire bann Israélite dan pays Canaan. Pou aide zot prend sa pays-la, Jéhovah ti faire beaucoup mirak. Li ti faire la riviere Jourdain sec, bann muraille Jéricho tombé, ek soleil ti reste en place pendant enn la journée. Apré six an, zot ti reussi prend pays-la ar bann Cananéen.

A partir Josué, c’est bann juge ki ti dirige Israël pendant 356 an. Nou pou aprann beaucoup lor zot, couma par exemple Barak, Guidéôn, Yiphtah, Samson ek Samuel. Nou pou aussi lire lor bann madame couma Rahab, Débora, Yaël, Ruth, Naomi, ek Dalila. Sa 3eme partie-la raconte seki finn arrivé pendant 396 l’année.

Tabernacle