Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 11: Premier l’arc-en-ciel

Zistoire 11: Premier l’arc-en-ciel

ESKI to koné ki premier kitsoz Noé ti faire kan li ek so famille ti sorti dan l’arche? Li ti offert Bondié enn sacrifice. To kapav trouve sa lor sa zimage enba-la. Noé ti sacrifié bann zanimo pou remercié Bondié parski Li ti sauve so famille kan ti ena enn grand deluge.

L’arche ek l’arc-en-ciel

Eski to pensé ki Jéhovah ti accepté sa sacrifice-la? Oui. Lerla, Bondié ti promette Noé ki jamais Li pou detruire le monde encore par enn deluge.

Enn tipé apré, la terre ti sec partout. Noé ek so famille ti commence enn nouveau la vie en dehors l’arche. Bondié ti beni zot ek ti dire zot: ‘Zot bizin gagne beaucoup zenfant. Zot bizin vinn beaucoup ziska ki la terre rempli ar bann dimoune.’

Mais plitar, kan bann dimoune ti pou tann koz lor sa grand deluge-la, kitfois zot ti pou gagne peur ki enn lot deluge coumsa arrivé encore. A cause sa, Bondié ti donne enn kitsoz ki ti pou faire bann dimoune rappel so promesse pou jamais ré-faire enn lot deluge encore lor la terre. Eski to koné ki Li ti donné pou rappel zot so promesse? Enn l’arc-en-ciel.

Noé ek so famille

Souvent, nou kapav trouve enn l’arc-en-ciel dan le ciel apré ki la pli inn tombé, kan soleil commence brillé. Enn l’arc-en-ciel kapav ena plusieurs joli couleur. Eski to finn deja trouve enn? Eski to trouve sa l’arc-en-ciel ki dan sa zimage-la?

Bondié ti dire: ‘Mo promette ki jamais bann dimoune ek bann zanimo pou detruire encore enn fois par enn deluge. Mo pé mette mo l’arc-en-ciel dan bann nuage. Kan l’arc-en-ciel pou parette, mo pou trouve li ek mo pou rappel mo promesse.’

Alors, kan to trouve enn l’arc-en-ciel, ki sa bizin faire toi rappel? Promesse ki Bondié ti faire ki jamais Li pou detruire le monde encore par enn grand deluge.

Genèse 8:18-22; 9:9-17.



Question

  • Pareil couma nou trouvé lor zimage, ki premier kitsoz Noé inn faire kan li ti sorti dan l’arche?
  • Ki commandement Bondié ti donne Noé ek so famille apré deluge?
  • Ki promesse Bondié ti faire?
  • Kan nou trouve enn l’arc en ciel, ki sa bizin faire nou rappel?

Bann question en plus

  • Lire Genèse 8:18-22.

    Zordi, couma nou kapav faire “enn l’odeur ki faire [Jéhovah] plaisir” monte vers Li? (Gen. 8:21; Héb. 13:15, 16)

    Ki Jéhovah finn remarké concernant tendance leker bann dimoune, ek lor ki kitsoz nou bizin veillé? (Gen. 8:21; Mat. 15:18, 19)

  • Lire Genèse 9:9-17.

    Ki l’alliance Jéhovah inn faire avek tou bann creature ki vive lor la terre? (Gen. 9:10, 11)

    Pendant comié le temps l’alliance l’arc en ciel pou duré? (Gen. 9:16)