Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 31: Moïse ek Aaron devant Pharaon

Zistoire 31: Moïse ek Aaron devant Pharaon

KAN Moïse retourne l’Égypte, li koz lor tou sa bann mirak-la ar so frere, Aaron. Apré sa, kan Moïse ek Aaron montré bann Israélite sa bann mirak-la, zot tou croire ki Jéhovah avek zot.

Apré sa, Moïse ek Aaron al guette Pharaon. Zot dire li: ‘Jéhovah Bondié Israël dire toi: “Laisse mo peuple allé pou trois jour, pou ki zot kapav adore moi dan dessert.” ’ Mais Pharaon reponn: ‘Mo pa croire dan Jéhovah. Ek mo pa pou laisse Israël allé.’

Pharaon en colere, parski le peuple pé envie quitte zot travail pou al adore Jéhovah. A cause sa li force zot pou travail encore pli dure. Bann Israélite dire ki c’est a cause Moïse ki zot pé gagne bann mauvais traitement coumsa, ek Moïse so leker faire mal. Mais Jéhovah dire li pa tracassé. Jéhovah dire: ‘Mo pou faire Pharaon laisse mo peuple allé.’

Moïse ek Aaron devant Pharaon

Moïse ek Aaron ré-al guette Pharaon encore enn fois. Sa fois-la zot faire enn mirak. Aaron jette so baton enba, ek li vinn enn gros serpent. Mais bann zom sage dan l’Égypte zot aussi zot jette zot baton enba, ek bann baton-la vinn bann serpent. Mais guetté ki pé arrivé! Serpent Aaron pé mange sa bann lezot serpent-la. Mais malgré sa Pharaon pa laisse bann Israélite allé.

Alors, inn arrive ler pou Jéhovah donne Pharaon enn bon leson. Eski to koné ki Li’nn faire? Li’nn envoye 10 plaie, ou-soit 10 grand malheur, lor l’Égypte.

Apré ki plusieurs sa bann plaie-la finn arrivé, Pharaon faire appel Moïse, ek dire li: ‘Arrete sa plaie-la, ek lerla mo pou laisse Israël allé.’ Mais enn fois ki plaie-la arreté, Pharaon change l’idée. Li pa laisse bann Israélite allé. Mais, a la fin, apré 10eme plaie, Pharaon dire bann Israélite allé.

Eski to konn toulé-dix plaie? Anou aprann plus lor zot.

Exode 4:27-31; 5:1-23; 6:1-13, 26-30; 7:1-13.



Question

  • Ki l’effet bann mirak ki Moïse ek Aaron inn faire ti ena lor bann Israélite?
  • Ki Moïse ek Aaron ti dire Pharaon, ek ki Pharaon inn reponn?
  • Dapré zimage, ki ti arrive baton Aaron kan li’nn jette li enba?
  • Couma Jéhovah ti donne Pharaon enn leson, ek couma Pharaon ti reagir?
  • Ki ti arrivé apré dixieme plaie?

Bann question en plus

  • Lire Exode 4:27-31 ek 5:1-23.

    Ki Pharaon ti pé rod dire kan li ti dire: “Mo pa konn Jéhovah ditou”? (Ex. 5:2; 1 Sam. 2:12; Rom. 1:21)

  • Lire Exode 6:1-13, 26-30.

    Dan ki sens Jéhovah pa ti faire Abraham, Isaac, ek Jacob konn Li? (Ex. 3:13, 14; 6:3; Gen. 12:8)

    Ki sentiment sa faire nou ena kan nou koné ki Jéhovah ti servi Moïse, mem si Moïse ti pensé ki li pa ti assez qualifié pou sa mission-la? (Ex. 6:12, 30; Luc 21:13-15)

  • Lire Exode 7:1-13.

    Avek courage Moïse ek Aaron ti faire Pharaon konn bann jugement Jéhovah. Kan zot inn faire sa ki l’exemple zot inn quitté pou bann serviteur Jéhovah zordi? (Ex. 7:2, 3, 6; Actes 4:29-31)

    Couma Jéhovah ti montré ki Li superieur comparé ar bann bondié égyptien? (Ex. 7:12; 1 Chron. 29:12)