Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 29: Kifer Moïse ti sauvé

Zistoire 29: Kifer Moïse ti sauvé

GUETTE couma Moïse pé sauvé pé quitte l’Égypte! Eski to trouve sa bann missié ki pé galope derriere li-la? Eski to koné kifer zot pé rod touye Moïse? Anou guetté.

Moïse pé sauvé depuis l’Égypte

Moïse ti grandi dan lakaz Pharaon, le roi l’Égypte. Li ti vinn enn grand dimoune ki ti ena enn grand sagesse. Moïse ti koné ki li pa ti enn égyptien, ek ki so bann vrai parent ti bann esclave israélite.

Enn jour, kan li ti ena 40 an, Moïse decide pou al guetté dan ki situation so peuple pé vive. Bann Égyptien ti pé maltraite zot ek li trouve enn égyptien pé batte enn esclave israélite. Moïse guette quatre coté, li pa trouve personne, alors li batte sa égyptien-la, ek li mort. Apré sa Moïse cachiette so lekor dan di-sable.

Lendemain Moïse sorti pou ré-al guette so peuple. Li pensé ki li pou kapav aide zot ek coumsa zot pou nepli bizin travail couma bann esclave. Mais li trouve deux zom israélite pé laguerre, alors Moïse dire sa zom ki en tort-la: ‘Kifer to pé batte to frere?’

Missié-la dire li: ‘Kisannla inn faire toi vinn nou chef ek nou juge? Eski to pou touye moi pareil couma to’nn touye sa égyptien-la?’

Moïse commence gagne peur. Li al decouvert ki bann dimoune inn koné ki’nn arrive sa égyptien-la. Mem Pharaon inn konn sa, ek li envoye bann zom pou touye Moïse. C’est pou sa ki Moïse pé bizin sauvé ek quitte l’Égypte.

Kan Moïse quitte l’Égypte li al dan pays Madiân, enn pays bien loin. La-bas li faire connaissance famille Yithro, ek li marié avek enn so bann tifi, Tsippora. Moïse vinn enn berger ek li prend soin bann mouton Yithro. Li reste dan Madiân pendant 40 an. Asterla li ena 80 an. Enn jour, kan Moïse ti pé occupe bann mouton Yithro, enn kitsoz extraordinaire arrivé ek sa change la vie Moïse net. Anou guetté ki sa kitsoz extraordinaire-la sa.

Exode 2:11-25; Actes 7:22-29.



Question

  • Kot-sa Moïse ti grandi, mais ki li ti koné concernant so bann parent?
  • Ki Moïse ti faire kan li ti ena 40 an?
  • Ki Moïse ti dire enn Israélite ki ti pé laguerre, ek ki sa missié-la ti reponn li?
  • Kifer Moïse ti sauvé depuis l’Égypte?
  • Kot-sa Moïse ti allé, ek kisannla li finn joinde?
  • Apré ki li ti quitte l’Égypte, ki Moïse ti faire pendant 40 an?

Bann question en plus

  • Lire Exode 2:11-25.

    Malgré ki pendant beaucoup l’année ti enseigne Moïse sagesse bann Égyptien, couma eski li ti montré so fidelité envers Jéhovah ek so peuple? (Ex. 2:11, 12; Héb. 11:24)

  • Lire Actes 7:22-29.

    Moïse ti essaye delivré bann Israélite ki ti esclave dan l’Égypte par li-mem, ki leson nou aprann ar sa? (Actes 7:23-25; 1 Pierre 5:6, 10)