Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 25: Jacob al dan l’Égypte

Zistoire 25: Jacob al dan l’Égypte

JOSEPH nepli kapav controle so bann sentiment. Li demann tou so bann serviteur pou sorti. Kan li tousel avek so bann frere, Joseph commence ploré. Nou kapav maziné couma so bann frere inn gagne sok parski zot pa pé comprend kifer li pé ploré. Finalement li dire zot: ‘Mo-mem Joseph. Eski mo papa encore vivant?’

So bann frere tellement gagne sok, ki zot pa kapav kozé. Zot gagne peur, mais Joseph dire zot: ‘S’il vous plait vinn pré ar moi.’ Ek lerla li dire: ‘Mo zot frere, Joseph, ki zot ti vendé dan l’Égypte.’

Joseph contigne koz bien ar zot: ‘Pa senti zot coupable parski zot finn vann moi. C’est Bondié Li-mem ki finn envoye moi l’Égypte pou sauve la vie bann dimoune. Pharaon finn faire moi vinn chef dan pays. Alors, degazé al kot mo papa ek raconte li sa. Dire li vinn reste ici.’

Lerla, Joseph maye so bann frere, li serre zot dan so lé-bras ek li embrasse zot. Kan Pharaon tann dire ki bann frere Joseph inn vini, li dire Joseph: ‘Faire zot prend bann calesse pou al rod zot papa ek zot famille pou zot vinn reste ici. Mo pou donne zot pli bon la terre dan l’Égypte.’

C’est seki zot faire. Jacob vinn reste l’Égypte avek tou so famille. Eski to trouve Joseph pé maye so papa dan sa zimage-la?

Famille Jacob agrandi. En tou zot ti 70 kan zot ti vinn l’Égypte, parmi ti ena Jacob, so bann zenfant ek so bann ti-zenfant. Mais ti ena aussi zot bann madame, ek kitfois beaucoup serviteur. Zot tou zot ti vinn reste dan l’Égypte. Ti appel zot bann Israélite, parski Bondié ti change nom Jacob, Li ti appel li Israël. Bann Israélite ti vinn enn peuple bien special pou Bondié, couma nou pou trouvé plitar.

Genèse 45:1-28; 46:1-27.

Joseph ek so famille


Question

  • Ki arrivé kan Joseph faire so bann frere koné kisannla li été?
  • Avek bonté, ki Joseph explik so bann frere?
  • Ki Pharaon dire letan li tann koz lor bann frere Joseph?
  • Ki grandeur famille Jacob ti été letan zot vinn l’Égypte?
  • Couma eski finn commence appel famille Jacob, ek kifer?

Bann question en plus

  • Lire Genèse 45:1-28.

    Couma eski sa zistoire biblik lor Joseph-la montré ki Jéhovah kapav vire enn situation kot supposé faire di-tort So bann serviteur en enn benediction? (Gen. 45:5-8; Is. 8:10; Phil. 1:12-14)

  • Lire Genèse 46:1-27.

    Ki l’assurance Jéhovah ti donne Jacob alors ki li ti pé al en Égypte? (Gen. 46:1-4, note)