Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 18: Jacob al Harân

Zistoire 18: Jacob al Harân

ESKI to koné kisannla sa bann dimoune ar ki Jacob pé kozé-la? Apré ki li ti voyagé pendant plusieurs jour, Jacob joinde zot kot enn puit. C’est bann berger ki pé occupe zot mouton. Jacob demann zot: ‘Kot zot resté?’

Zot reponn: ‘Harân.’

Jacob ré-demann zot: ‘Eski zot konn Labân?’

Zot dire li: ‘Oui nou konn li, ala so tifi Rachel ki pé vini avek so troupeau mouton.’ Eski to trouve Rachel pé vini avek so troupeau?

Jacob zwenn Rachel

Kan Jacob trouve Rachel pé vini avek bann mouton Labân, so tonton, li roule sa gros roche ki lor sa puit-la ek li donne bann mouton boire. Apré sa, Jacob embrasse Rachel ek dire li kisannla li été. Rachel bien content, ek li galopé pou al dire sa so papa, Labân.

Labân bien content ki Jacob reste kot li. Kan Jacob demann pou marié ar Rachel, Labân bien content. Selman, li demann Jacob pou travail sept an pou li, pou li kapav gagne Rachel. Jacob tellement content Rachel ki li accepté. Mais eski to koné ki arrivé jour mariage?

Au lieu ki Labân donne Jacob, Rachel, li donne li so pli grand tifi, Léa. Kan Jacob accepté pou travail encore sept an pou li, lerla Labân donne li Rachel aussi. Dan sa lepok-la, Bondié ti permette bann zom pou marié ar plusieurs madame. Mais asterla, couma la Bible montré, enn missié bizin ena enn sel madame.

Genèse 29:1-30.



Question

  • Ki sa jeune fille ki lor sa zimage-la, ek ki Jacob inn faire pou li?
  • Ki Jacob ti disposé pou faire pou ki li kapav marié ar Rachel?
  • Ki Labân ti faire kan ti arrive ler pou ki Jacob marié ar Rachel?
  • Ki Jacob ti accepté pou faire pou ki Rachel vinn so madame?

Bann question en plus

  • Lire Genèse 29:1-30.

    Mem kan Labân ti embete li, couma eski Jacob ti montré respé envers li, ek ki leson nou kapav aprann ar sa situation-la? (Gen. 25:27; 29:26-28; Mat. 5:37)

    Couma eski l’exemple Jacob montré nou difference entre vrai l’amour ek enn simple l’attirance pou enn kikenn? (Gen. 29:18, 20, 30; Chant de S. 8:6)

    Cite nom sa quatre madame ki ti forme partie lakaz Jacob-la ek ki plitar ti donne li bann garson. (Gen. 29:23, 24, 28, 29)