Skip to content

Skip to secondary menu

Skip to table of contents

Bann Temwin Zeova

Kreol Morisien

Mo liv zistwar Labib

Zistoire 2: Enn joli jardin

Zistoire 2: Enn joli jardin

GUETTÉ couma la terre été dan sa zimage-la! Li bien joli, pa vrai? Guette l’herbe, bann pié, bann fleur, ek tou sa bann zanimo-la. Eski to trouve l’elephant ek bann lion ki lor sa zimage-la?

Bann zanimaux dan jardin Éden

Mais, couma sa joli jardin-la inn apparette? Anou guetté couma Bondié ti prepare la terre pou nou kapav reste lor la.

D’abord, Bondié ti faire l’herbe poussé partout lor la terre. Apré sa, Li ti faire tou sorte qualité plante, ek bann pié. Tousala pa zis faire la terre parette joli, mais en plus zot donne nou bann fruit ek bann legume ki bien bon.

Apré sa, Bondié ti faire bann poisson ek bann zoiseau. Li ti faire aussi bann zanimo couma bann li-chien, chat, cheval; bann gros ek bann tipti zanimo. Ki zanimo ena dan to l’endroit? Eski nou pa content ki Bondié finn faire tou sa bann kitsoz-la pou nou?

En dernier, Bondié ti choisir enn l’endroit lor la terre ek Li ti prepare sa dan enn fason bien special. Li ti appel sa l’endroit-la, jardin Éden. Sa jardin-la ti extra joli, pa ti mank nanyin ladan. Bondié ti envie ki la terre entier vinn pareil couma sa joli jardin ki Li ti faire-la.

Mais ré-guette sa zimage-la. Dapré toi, ki Bondié ti trouvé manké dan sa jardin-la? Anou guetté.

Genèse 1:11-25; 2:8, 9.



Question

  • Couma Bondié ti prepare la terre pou ki nou kapav reste lor la?
  • Cite bann zanimo ki Bondié ti crée. (Guette zimage.)
  • Kifer jardin Éden ti special?
  • Couma Bondié ti envie ki la terre entier vini?

Bann question en plus

  • Lire Genèse 1:11-25.

    Ki Bondié ti crée pendant troisieme jour creation? (Gen. 1:12)

    Ki ti arrivé pendant quatrieme jour creation? (Gen. 1:16)

    Ki qualité l’espece zanimo Bondié ti faire pendant cinquieme ek sixieme jour? (Gen. 1:20, 21, 25)

  • Lire Genèse 2:8, 9.

    Cite deux qualité pié ki Bondié ti mette dan jardin. Ki zot ti representé?