MONTRE
Text
Image

(Matie 26:26-30)

  1. 1. Zeova, Papa ki dan lesiel,

    Zordi sware ki pli sakre!

    Bien lontan, to’nn montre to bann gran kalite

    Kan to pep to finn delivre.

    Disan lagno Pak ti protez zot,

    Ek Izrael finn libere.

    Apre inpe letan, Kris inn vers so disan.

    Bann profesi finn realize.

  2. 2. Dipin ek divin fer nou rapel

    Ki pou nou to’nn pey enn pri for.

    To’nn montre to bonte,

    to garson to’nn done,

    Li’nn fidel ziska so lamor.

    Zordi nou la pou remersie twa

    Parski zame nou pou bliye

    Ki lavi to Garson

    to finn donn an ranson.

    Ar lamor nou tou nou’nn libere.

  3.  3. Mersi to’nn invit nou azordi,

    Nou pou onor twa ek Zezi.

    Nou loue twa touzour,

    se gras-a to lamour

    Ki Zezi inn donn so lavi.

    Repa Lesegner rasanble nou,

    Li dan nou leker ek lespri.

    Nou pou swiv nou model, nou Lerwa ki fidel.

    So lamor fer nou gagn vre lavi.