Skip to content

Skip to table of contents

 KANTIK 125

Ere Bann Ki Ena Mizerikord!

Select an Audio Recording
Ere Bann Ki Ena Mizerikord!
MONTRE

(Matie 5:7)

  1. 1. Bondie Zeova Li ere,

    Ek mizerikord Li montre.

    Li bien kontan bann bon aksion,

    Sak zour Li donn nou seki bon.

    Bann ki repanti kapav sir

    Ki Bondie tann seki zot dir.

    Li rapel ki nou lapousier,

    Li bon, Li zis, ek Li sinser.

  2. 2. Kan nou regret pese nou’nn fer,

    Ek rod pardon nou Kreater,

    Zezi, nou Segner, inn montre

    Seki bizin dir kan priye:

    ‘Pardonn nou bann det silteple;

    Bann ki dwa nou, nou’nn pardone.’

    Kan nou pardonn bann ki’nn bles nou,

    Lape Bondie rekonfort nou.

  3. 3. Kan nou donn ar leker zwaye,

    Avek enn lespri zenere,

    Laglwar, loner nou pa rode,

    Nou kontan kan lezot ere.

    Zeova trouv seki nou’nn fer,

    Ek Li pou donn nou so faver.

    Mizerikord ki nou’nn montre

    Ena valer devan Bondie.

(Get osi Mat. 6:2-4, 12-14.)