Skip to content

Skip to table of contents

 BANN TREZOR DAN PAROL BONDIE | MATIE 25

“Kontign Veye”

“Kontign Veye”

25:1-12

Mem si Zezi ti donn lexanp bann dis vierz pou so bann disip ki ena lesperans pou al dan lesiel, mesaz ki ena dan sa lexanp-la li inportan ek li aplik ar tou bann Kretien. (w15-CE 15/3 12-16) “Alor, kontign veye, parski zot pa konn ni zour, ni ler.” (Mt 25:13NW.) Eski to kapav explik sa lexanp ki Zezi ti done la?

  • Lemarye (v. 1)​—Zezi

  • Bann vierz ki saz, ki’nn bien prepar zot (v. 2)​—Bann Kretien ki ena lesperans pou al dan lesiel ki’nn prepar zot pou akonpli zot mision avek fidelite ek ki pe briye kouma bann lalimier ziska lafin (Fil 2:15)

  • Pe kriye: “Ala lemarye!” (v. 6)​—Prev prezans Zezi

  • Bann vierz ki bet (v. 8)​—Bann Kretien ki ena lesperans pou al dan lesiel ki’nn sorti pou al zwenn Lemarye me ki pa kontign veye ek ki pa res fidel

  • Bann vierz inn refiz partaz zot delwil (v. 9)​—Kan bann Kretien fidel ki ena lesperans pou al dan lesiel pou sele dan enn fason definitif, li pou tro tar pou zot ed bann ki’nn vinn infidel

  • “Lemarye inn arive” (v. 10)​—Zezi vini pou rann enn zizman ver lafin gran detres

  • Bann vierz ki saz rant ansam avek lemarye dan resepsion maryaz, ek ferm laport (v. 10)​—Zezi rasanble bann Kretien ki fidel ki ena lesperans pou al dan lesiel, me bann Kretien ki ti ena lesperans pou al dan lesiel ek ki pa’nn res fidel, perdi zot rekonpans pou al dan lesiel