Skip to content

Skip to secondary menu

Skip to table of contents

Bann Temwin Zeova

Kreol Morisien

Nou Lavi Kretien ek Nou Minister–Kaye Renion  |  Desam 2016

 NOU LAVI KRETIEN

Amelior Nou Bann Kapasite dan Nou Minister—Tous Leker To Etidian Avek Liv “Reste dan l’amour Bondié”

Amelior Nou Bann Kapasite dan Nou Minister—Tous Leker To Etidian Avek Liv “Reste dan l’amour Bondié”

KIFER LI INPORTAN: Bann dimounn bizin konn bann prinsip Zeova ek viv an-akor avek sa bann prinsip-la pou ki zot ador Li kouma Li demande. (Iz 2:3, 4) Liv “l’amour Bondié,” deziem piblikasion ki nou servi pou fer letid, ed nou bann etidian Labib pou trouve kouma zot kapav aplik bann prinsip Labib dan zot lavi toulezour. (Eb 5:14) Kan nou pe ansegn zot, nou bizin esey tous zot leker. Sa kapav motiv zot pou fer bann sanzman.Rom 6:17.

KOUMA TO KAPAV FER SA:

  • Prepar twa bien ek panse kouma pou adapte letid-la ar to etidian. Poz li bann kestion ki pou ed twa konn so bann panse ek so bann santiman lor size ki pe examine.Pr 20:5; be-F 259

  • Servi bann lankadre ki ena dan liv-la pou ed to etidian trouv linportans pou aplik bann prinsip Labib

  • Ed to etidian pou rezonn lor bann kestion ki konsern so konsians, me pa pran bann desizion dan so plas li.Ga 6:5

  • Avek takt, gete si to etidian bizin led pou aplik sertin prinsip Labib. Zantiman ankouraz li pou les lamour ki li ena pou Zeova pous li pou fer bann sanzman.Pr 27:11; Zan 14:31