Kisannla nou pou akeyir bien? Ninport kisannla ki asiste nou bann renion, ki li bann nouvo ouswa nou bann kamarad ki nou kone depi lontan. (Rom 15:7; Eb 13:2) Li kapav enn Temwin ki sorti enn lot pei ouswa enn Kretien inaktif ki premie fwa pe asiste renion apre plizir lane. Sey mazine ki to ti pou resanti si to ti dan zot plas. Eski to pa ti pou kontan ki akeyir twa bien? (Mt 7:12) Alor, kifer to pa fer plis zefor pou fer letour Lasal ek pou koz avek lezot avan ek apre renion? Sa permet ki ena enn bon lanbians ek ki nou montre nou lamour pou lezot, ek sa donn loner Zeova. (Mt 5:16) Biensir, kitfwa nou pa pou reisi koz ar zot tou ki la. Me kanmem sa, zot tou pou santi ki nou pe akeyir zot bien si nou tou nou fer nou par. *

Nou montre vre lospitalite pa zis dan bann lokasion spesial kouma Memoryal, me touletan. Kan bann nouvo resanti ek trouv nou lamour Kretien, sa kapav ankouraz zot pou loue Bondie ek pou zwenn ansam ar nou dan vre ladorasion.Zn 13:35.

^ par. 3 Bann prinsip Labib montre ki fode pa nou koz avek bann dimounn ki exkli ouswa ki’nn retir zot dan kongregasion, mem si zot pe vinn renion.1Ko 5:11; 2Zn 10.